Буа муниципаль районы

Портал аша паспорт тиз дә, очсызрак та

17.11.2017

Арбаны кыштан, чананы җәйдән әзерлә, диләр. Җәен отпуск вакытында ял итеп кайтасың килсә, чит ил паспортын кышын ук рәсмиләштерсәң, яхшырак. Моны тизрәк һәм очсызрак бәягә эшләргә дәүләт порталы ярдәм итә.

Моның өчен өйдән чыкмыйча гына, www.gosuslugi.ru сайтында теркәлергә кирәк. Шунда ук гариза тутыру һәм кирәкле документлар турында мәгълүматларны язу сорала. Моңа ярты сәгать вакыт җитә. Мөстәкыйль теркәлә алмаучыларга паспорт һәм СНИЛС белән шәһәрнең Яшел урам, 48  йорт адресы буенча (дүшәмбе һәм пәнҗешәмбе ял көннәре) миграция мәсьәләләре буенча бүлекчәгә килергә кирәк. Бер айдан паспорт әзер булачак. Бу очракта аның өчен дәүләт пошлинасы  азрак түләргә туры киләчәк. Сүз уңаеннан, быел районда 890 чит ил паспорты бирелгән.






Copyright © 2003-2017
Хата таптыгызмы? Сүзне яки җөмләне билгеләгез һәм CTRL+ENTER басыгыз
Яндекс цитирования