Буалылар сизми калмагандыр: җәй айларыннан бирле шәһәрнең төрле урамнарында тротуарлар салына.

12 октябрь 2018 ел., җомга

Шәһәрдә тротуар салына. Бу эш үзара салым средстволарына башкарыла.

Узган елның ноябрь аенда шәһәрдә гражданнарның үзара салым средстволарын кертү һәм файдалану мәсьәләләре буенча узган җирле референдум нәтиҗәләре буенча һәр балигъ булган яшәүче шәһәрне тө-зекләндерүгә 500 сум күләмендә үз өлешен кертергә тиеш булды.  Алга куелган эшләрне агымдагы елда башкару өчен исә салым средстволарын беренче кварталда җыеп бетерү кирәк иде. Шәһәр башкарма комитеты җитәкчесе Айрат Хәбибрахманов әйтүенчә, планлаштырылган сумма 8 миллион сумнан күбрәк тәшкил итсә,  2018 елның 1 апреленә барлыгы 3 миллион 295 мең сум акча җыелган. Моңа һәр җыелган бер сумга 4 сум өстәлеп бирелү белән республика бюджетыннан 13 миллион 180 мең сум субсидия кергән. Шул рәвешле, быел тротуарлар салу өчен 16,5 миллион сум акча тотылачак. Әлеге средстволарга бүген Р. Люксембург, Космовский урамнарында эш бара. Көнбатыш бистәдәге Мәктәп урамында, шәһәрнең Космовский урамының Төзе-леш урамыннан Комсомол урамына кадәр өле-шендә ул төгәлләнгән. Җыеп әйткәндә, үзара салым акчасына салынучы тротуарларның гомуми озынлыгы 6955 квадрат метр тәшкил итәчәк.  Билгеләнгән күләм буенча эш октябрь ахырына тәмамланачак.

Яшәүчеләр тротуар салу технологиясенә һәм төсләренә дә игътибар итми калмаганнардыр. Төсләрне узган ел үткә-релгән халыктан сораштыру нәтиҗәсендә сайлаганнар. Өстенлек са-ры, кызгылт көрән һәм соры төсләргә бирелгән. Киңлегенә килгәндә, ул 2,1 метрдан да ким түгел.

– Болай киң ясау аны техника белән чистарту мөмкинлеген булдыру өчен кирәк.  Брусчатка комлы-цементлы катнашма өстенә генә җәелми. Башта 10 сантиметр калынлыгында бетон салына. Бу да механикалаш-тырылган алым белән чистарту максатын күздә тотып эшләнә, – ди Айрат Илдарович. Тротуар салуны буалы оешма – бу эшләрне башкаруга тендерны откан  “Мастер-Строй” җәмгыяте башкара. Сыйфатны шәһәр җитәкчелеге дә, күзәтчелек оешмалары да, халык үзе дә даими контрольли. Шәһәрлеләр арасында редакциягә җитәкчелеккә рәхмәт җиткерүебезне үтенеп шалтыратучылар бар. Көнбатыш бистәдә яшәү-челәр уңайлы, матур тротуарларга аеруча шат. Айрат Хәбибрахманов бис-тәлеләрнең үзләренә эш барышындагы уңайсыз-лыкларга аңлы караулары, сабырлыклары өчен рәхмәт әйтә.  

Киләчәктә җәяүлеләр барлык урамнарда да алар кебек җайлы тротуарлардан атласын өчен үзебездән активлык кирәк. Әлегә халык аны күрсәтергә ашыкмый. 5 октябрьгә җыелган сумма 3,5 миллион сум тирәсе генә.

– Үзара салым средстволарын түләү өчен ел ахырына кадәр берникадәр вакыт бар әле. Никадәр күбрәк акча  җыйсак, софинанслаштыру средстволары суммасы һәм шәһәребезне тө-зекләндерү өчен  башкарылган эшләр күләме   шулкадәр күбрәк булачак. Төзекләндерүне ки-ләсе елда да дәвам итү планлаштырыла – ноябрь аенда кабат референдум узачак, – ди Айрат Хәбибрахманов

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования