Татарстан Росреестры күчемсез милек агентлыклары өчен укыту семинарында катнашты
Татарстан Республикасы буенча Росреестр Идарәсенең күчемсез милекне электрон рәвештә дәүләт теркәве бүлеге башлыгы урынбасары Вилдан Назыйров күчемсез милек базарында катнашучылар өчен укыту семинарында катнашты.
Чара кысаларында Татарстан Росреестры вәкиле Росреестр эшчәнлеген җайга салучы законнарга кыскача күзәтү үткәрде, регистрация органына бирү өчен документлар исемлеге, аларны тапшыру ысуллары, шулай ук карау сроклары турында сөйләде.
Күчемсез милек базарының профессиональ катнашучыларында идарәнең суд практикасы һәм күчемсез милеккә дәүләт теркәве туктатылуның һәм баш тартуның төп сәбәпләрен карау белән бәйле сораулар аеруча зур кызыксыну уятты.
Моннан тыш, Вилдан Назыйров электрон теркәү өстенлекләре турында сөйләде, семинарда катнашучыларга барлык кызыксынган затлар өчен үткәрелә торган бушлай белем бирү мөмкинлеге турында искә төшерде, Татарстан Росреестры махсус акция үткәрүне дәвам итә – Росреестр белгечләре белән документларның беренче пакетын бир! Анда катнашу өчен, көчәйтелгән квалификацияле электрон-цифрлы имза (ЭЦП) һәм электрон теркәлү өчен документлар пакеты әзер булырга кирәк. Уку үткәрүгә гаризалар rosreestr.tatarstan@mail.ru электрон почта аша кабул ителә .
Документларны электрон рәвештә тапшыруның төп өстенлекләре: гаризаны Росреестр порталында бирергә мөмкин (rosreestr.ru) тәүлекнең теләсә кайсы уңайлы вакытында; физик затлар өчен дәүләт пошлинасын 30% ка киметү каралган; теркәлү вакыты нибары 1 көн тәшкил итә!
Матбугат хезмәте