Буада Горький тимер юлы башлыгы Анатолий Федор улы Лесун катнашында тимер юл техник юлына куелган һәйкәл ачылды
Бүген, 19 октябрьдә, комиссия тимер юлларны карады һәм тимер юл техникасына куелган һәйкәл ачылышында катнашты. Тантаналы чарада Буа муниципаль районы башлыгы урынбасары Евгений Семагин, «Россия тимер юллары» АҖ филиалының Горький тимер юлы башлыгы Анатолий Лесун, Горький тимер юлының Дорпрофжел рәисе Дмитрий Мололкин, Казан регионы буенча юл территориаль профсоюз оешмасы (ДОРПРОФСОЖ) рәисе урынбасары Анатолий Николаев, РҢД ААҖ филиалының Казан территориаль идарәсе буенча Горький тимер юлы башлыгы урынбасары Александр Черемнов һәм Горький тимер юлы Казан узелының ветераннар советы рәисе Илгиз Нигъмәтуллин катнашты.
Кунаклар алдында “Теремкәй” балалар бакчасында тәрбияләнүчеләр чыгыш ясады, “Буа” тимерьюл вокзалы турында тарихи фильм күрсәтелде, ә туган якны өйрәнү музее директоры Люция Әхмәтҗанова ТАССРның 100 еллыгына багышланган күргәзмә белән таныштырды. Муниципаль район башлыгы урынбасары Евгений Семагин тимер юл тарихын булдыруда өлеш керткән өчен Илгиз Нигъмәтуллинга һәм Буа станциясенең Сугыш һәм Хезмәт Даны музей-бүлмәсен саклаучы Тамара Нигъмәтуллинага Рәхмәт хатлары тапшырды.