15 март 2020 ел – Бөтендөнья кулланучылар хокукларын яклау көне
Ел саен 15 мартта халыкара җәмәгатьчелек Бөтендөнья кулланучылар хокукларын яклау көнен билгеләп үтә. Мәгърифәтчелек чаралары бөтен дөнья буйлап, шул исәптән Россия Федерациясендә дә уза.
2020 елда Бөтендөнья кулланучылар оешмасы (ConsumersInternational) артык җитештерү һәм рациональ булмаган куллану проблемаларына игътибар итәргә чакыра, бу исә климатның глобаль үзгәрүенә, әйләнә-тирә мохитнең торышын начарайтуга , уникаль табигать объектлары югалуга китерә.
Куллану һәм җитештерүнең рациональ модельләренә күчү 2015 елда Берләшкән Милләтләр Оешмасы әгъзалары булган дәүләтләр тарафыннан 2030 елга кадәр тотрыклы үсеш өлкәсендә кабул ителгән Тотрыклы үсеш максатларының берсе булып тора.
Гадәттәгечә, Бөтендөнья кулланучылар көне тематикасы халыкара кулланучылар оешмалары Федерациясе (ConsumersInternational - CI) тарафыннан билгеләнгән, ул быел «Рациональ кулланучы» («TheSustainableConsumer») девизы астында уза.
БМО исәпләп чыгарганча, йорт хуҗалыклары дөнья энергиясенең 29 % ын куллана һәм, димәк, аларның CO2 чыгармаларына керткән өлеше 21 % тәшкил итә. Башка тикшеренүләр күрсәткәнчә, бөтен дөнья буенча 1 миллион пластик шешә көн саен сатыла, ә 2018 елда 24,2 миллиард пар аяк киеме җитештерелгән. Глобаль куллану кысаларында азык-төлек продуктларын җитештерү югары энергия куллану, урманнарны кисү, парник газлары чыгаруны арттыру һәм суны чамадан тыш куллану белән бәйле, дип билгеләп үтелә. Пластикның 60% ы чүплекләргә яки әйләнә-тирә мохиткә эләгә.
Рациональ куллану ресурслардан файдалануның нәтиҗәлелеген арттыруга һәм хәерчелек дәрәҗәсен бер үк вакытта киметүгә һәм һәркемгә яхшы тормыш, ризык, су, энергия, медицинага һәм башка күп кенә байлыкларга ия булу мөмкинлеге биргәндә, гадел сәүдәне үстерүгә юнәлдерелгән.
Нәкъ менә кулланучыларны сайлап алу товарлар һәм хезмәт күрсәтүләргә сакчыл карашны һәр җирдә гамәлгә кертүгә йогынты ясарга мөмкин. Кулланучыларны рациональ куллану күнекмәләрен үстерүгә һәм тотрыклы үсешнең башка иҗтимагый әһәмиятле максатларына ирешүгә юнәлтелгән чараларга җәлеп итү өчен БМО ярдәме белән «Тотрыклы үсеш максатлары Гамәлдә» мобиль кушымтасы булдырылды.
Кызыксынган затлар Бөтендөнья кулланучылар оешмасының (ConsumersInternational) рациональ куллану проблемалары буенча белешмә брошюрасы белән таныша алалар.
2020 ел дәвамында «Татарстан Республикасында (Татарстан) гигиена һәм эпидемиология үзәге» федераль бюджет сәламәтлек саклау учреждениесенең Буа, Чүпрәле, Апас районнарындагы филиалының кулланучылар өчен консультация пункты белән гражданнарга, шул исәптән Бөтендөнья кулланучылар хокукларын яклау көне тематикасы кысаларында, телефон аша, шәхси кабул итү, электрон почта аша консультацияләр уздырылачак.