ЯҢАЛЫКЛАР


13
июль 2018 ел.
җомга

Буа муниципаль районындагы халыкка социаль ярдәм күрсәтү “Гармония” үзәге белгечләре мәктәп яны лагерьларында балалар белән юл йөрү кагыйдәләрен кабатладылар. Хезмәткәрләр бигрәк тә җәяүле кичү һәм светофорга аерым басым ясадылар. Балалар төрле тукталышларда булып, викторина сорауларына җавап бирделәр, конкурсларда, уеннарда катнаштылар, биремнәр чиштеләр.

“Авангард” агрофирмасында унсигез “кыр корабы” уракка әзер. Шушы көннәрдә аларның саны егермегә тулачак – завод конвейерыннан төшкән ике “Акрос” юлда.

Районның барлык төр хуҗалыкларында яшел урак иң кызуында. Авыл хуҗалыгы һәм азык-төлек идарәсеннән алынган мәгълүматларга караганда, 12 июльгә печән тиешленең 43, сенаж 54 проценты күләмендә хәстәрләнгән. Саннар теле белән әйткәндә, кышлыкка шул чагыштырмада 6232 һәм 46739 тонна азык тупланган. Аерым хуҗалыклардан печән буенча планны “Коммуна” һәм “Алан”, сенаж салуда “Ямбулат” һәм “Кыят” арттырып үтәгәннәр

Буа МППЖКХсы хезмәткәрләре шәһәр урамнарын тузаннан  арындыруның яңа ысулын куллануга алдылар. Эре техника Ефремов, Космовский, Люксембург, Щорс урамнарында иртәнге сәгатьләрдән алып интенсив автомобиль хәрәкәте башланганчы  юлларны су белән юдырып чистартачаклар

"Гөлҗамал" ансамбле "Түгәрәк уен" бәйрәмендә катнашты. Халык ансамбле «Түгәрәк уен»да  җырлап  халыкны   бәйрәм  белән котлады


ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования