ЯҢАЛЫКЛАР


20
июль 2019 ел.
шимбә

"Зөя буйлары" тыюлыгы белгечләре, җитәкче Илнур Гыйбадуллин җитәкчелегендә," Чайка" лагерендә ял итүче балалар өчен Яңа Тинчәле авылына байбаклар колониясе территориясенә экскурсия оештырдылар.
Чара барышында балалар зур кызыксыну белән байбаклар артыннан күзәттеләр, аларның ояларын карадылар. Илнур Гыйбадуллин лекция укыды һәм барысына да истәлекле бүләкләр тапшырды.

Татарстан Эчке эшләр министрлыгында "Закон территориясе " республика конкурсына йомгак ясалды. Татарстан Республикасы Премьер-министры вазыйфаларын вакытлыча башкаручы Рөстәм Нигъмәтуллин, Татарстан Республикасы буенча Эчке эшләр министры полиция генерал-лейтенанты Артем Хохорин, шулай ук республика министрлыклары һәм ведомстволары җитәкчеләре аның җиңүчеләрен һәм лауреатларын котладылар.


19
июль 2019 ел.
җомга

Бүген, 19 июльдә Ульяновск өлкәсе территориясендә эпизоотик хәлнең начараюы сәбәпле, Буа муниципаль районы башкарма комитеты җитәкчесе Ранис Камартдинов гадәттән тыш хәлләрне кисәтү һәм бетерү һәм янгын куркынычсызлыгын тәэмин итү буенча район комиссиясенең чираттан тыш утырышын уздырды. Көн тәртибендә бер сорау торды: район территориясендә дуңгызларда африка чумасы (алга таба - африка чумасы) барлыкка килүгә һәм таралуга юл куймау буенча тулы чаралар күрү турында.

График нигезендә Буа муниципаль районында пенсия яшендәге хезмәткәрләр белән тормыш дәрәҗәсен күтәрү һәм керемнәрне легальләштерү буенча Ведомствоара комиссиянең мәгълүмати очрашулары дәвам итә. Бу көннәрдә әлеге гражданнарның 2019 һәм аннан соңгы елларда хезмәт эшчәнлеген дәвам итү ситуациясен бәяләү һәм алар өчен һөнәри белем бирү кирәклеген бәяләү максатыннан «ПМК№6» ҖЧҖ  төзелеш оешмасы һәм «Буа урман хуҗалыгы» БДУ  хезмәткәрләре белән очрашулар узды.

Буа шәһәренең сәнәгать паркы җитәкчесе Рөстәм Гайнуллов "Буа" сәнәгать паркы территориясендә генподрядчы, проектантлар, технологик җиһазлар белән тәэмин итүче вәкилләр катнашында күчмә киңәшмә үткәрде. Биредә төзелешнең беренче этабын тәмамлау турында фикер алыштылар, аннары "Стройсервис" подрядчы оешмасына канализация челтәрен төзү, юл төзелешен дәвам итү керә торган икенче этапка керешергә старт бирелде.

2019 елның 2-8 августында "Челтәр компаниясе" ААҖ электр челтәре хуҗалыгы объектларында ремонт һәм профилактик эшләр үткәрү белән бәйле рәвештә Буа электр челтәрләре электр энергиясен вакытлыча бирү түбәндәге адреслар буенча туктатылачагы турында хәбәр итә:

2 августта Чуаш Киштәге авылында 10.00 сәгатьтән 13.00 сәгатькә кадәр котельная, мәктәп, ОБВ, ангар объектларында, ә 13.00 сәгатьтән 17.00 сәгатькә кадәр Мәктәп урамы буенча 1-39 нчы йорт (так ягы), Яңа урамы, 1-43 нче йорт; Пролетар урамы, 1-33 нче йорт; Ленин урамы, 1-37 нче йорт, котельная, клуб, кибет, почта объектларында электрны өзү планлаштырыла.

Яше 65тән узган пациентларга медицина, социаль, психологик ярдәм күрсәтүче гериатрия кабинеты ачылды  район үзәк дәваханәсенең 2 номерлы поликлиникасында. Ул “Демография” илкүләм, “Өлкән буын” төбәкара проектлары кысаларында кабул итә.

Табиб-гериатр Әлфия Зыятдинова пациентларны махсус җиһазландырылган кабинетында кабул итә. Аның белдерүенчә, гериатр ярдәменә мохтаҗ әби-бабайларны участок табиблары җибәрә. Аларның күбесе психологик ярдәм сорап килә, табибка эчке кичерешләрен, зарларын сөйлиләр. Бу алар өчен мөһим.


18
июль 2019 ел.
пәнҗешәмбе

Дәүләт Думасы 16 июль, сишәмбе көнне пленар утырышта «коррупциягә каршы көрәш турында» Федераль законга авыл җирлекләре депутатларының даими булмаган нигездә вәкаләтләрен гамәлгә ашыручы керемнәрен декларацияләү тәртибен гадиләштерү өлешендә төзәтмәләр өченче, соңгы укылышта кабул итте. Ул ГД депутатлары һәм Федерация Советы әгъзалары төркеме тарафыннан тәкъдим ителде.

Татарстан Республикасы хезмәт, халыкны эш белән тәэмин итү һәм социаль яклау министрлыгының Буа муниципаль районындагы "Гармония" халыкка социаль хезмәт күрсәтү үзәге өйдә социаль хезмәт күрсәтү бүлекчәсе белгечләре өлкән буын вәкилләре белән эшләү буенча нәтиҗәле формалар һәм методлар куллану кысаларында өлкәннәр белән индивидуаль эш методы -  истәлекләр терапиясен кулланалар.

Җәй күптән көтелгән ял вакыты. Дөньяның матурлыгын сез ничек күзәтәрсез, бары тик сездән генә тора: җаваплы салым түләүче кебек -сез сайланган илдә, яки салымнарда экономияләп – телевизордан, йә интернеттан.
     Татарстан Республикасы буенча Федераль салым хезмәте идарәсе бюджет каршында бурычлары булган гражданнар өчен илдән чыгуны тыю гамәлдә булуын искәртә.


ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования