ЯҢАЛЫКЛАР


16
март 2020 ел.
дүшәмбе

Кичә, 15 мартта, Бөтендөнья кулланучылар хокукларын яклау көнен бәйрәм итү кысаларында, базар территориясендә Буа районы кулланучылары һәм хуҗалык итүче субъектлары өчен акция узды. Чара кысаларында буалыларга мәгълүмати брошюралар һәм буклетлар таратылды.

Роспотребнадзорның ТР буенча идарәсенең Буа, Чүпрәле, Тәтеш, Апас районнары территориаль бүлеге тарафыннан КФҮнең Буа бүлегендә Бөтендөнья кулланучылар хокукларын яклау көне кысаларында гражданнар консультациясе үткәрелде.

Роспотребнадзорның Татарстан Республикасы буенча идарәсенең Буа, Чүпрәле, Тәтеш, Апас районнарында территориаль бүлеге начальнигы Артур Хәсәнов Буа районында яшәүчеләргә кулланучылар хокукларын яклау мәсьәләләре буенча (торак-коммуналь, транспорт, финанс хезмәтләре күрсәткәндә, товарлар сатып алганда һ.б.) кабул итү һәм консультация уздырды.

Мөрәҗәгать иткән гражданнарга юридик консультация күрсәтелде, шул исәптән сатучыга претензияне төзү, кулланучылар хокукларын суд тарафыннан яклау тәртибе аңлатылды.

Татарстан  Республикасы Хөкүмәте Йортында  узган  киңәшмәдә  Татарстан  Республикасы  Премьер  министры  урынбасары – Татарстан Республикасы  авыл  хуҗалыгы  һәм азык-төлек  министры Марат Җәббаров шуңа  игътибар  юнәлтте.   Барлык  муниципаль районнар    белән  видеоконференция режимындагы  киңәшмәне Татарстан  Республикасы  Президенты  Рөстәм  Миңнеханов  үткәрде.      

Бүген, 16 мартта чираттагы "эшлекле дүшәмбе" киңәшмәсендә ТАССРның 100 еллыгы сертификатларын тапшыру тантанасы булды. Буа муниципаль районының өч предприятиесе "Татарстан АССРның 100 еллыгы" мәгълүмат билгесен куллануны раслаучы сертификатлар алды. Болар - «Буа шикәре» ААҖ, "Буа икмәк заводы" ҖЧҖ, "Карлы” "Ит йорты"ҖЧҖ. Оешма җитәкчеләренә сертификатларны район җитәкчесе Ранис Камартдинов тапшырды.

Хәзер, безнең районда җитештерелгән продукция ТАССРның 100 еллыгы хөрмәтенә эмблема белән сатуга чыгачак. Логотип урнаштыру продукциянең сыйфатын гарантияли һәм республика тарихын пропагандалый.

Исегезгә төшерәбез, шундый ук сертификатлар безнең районның 2 шәхси эшмәкәренә тапшырылган иде инде.

Бүген Буа шәһәрендә яшәүче тыл хезмәтчәне Фәхрибану Нәгыймулла кызы Гариповага Җиңүнең 75 еллыгына багышланган юбилей медале тапшырылды.  Бүләк икеләтә бүләккә әверелде - аңа  90 яшь тулды

Росреестрның Татарстан Республикасы буенча Идарәсенең rosreestr.tatarstan.ru рәсми сайтында (“Кадастр инженерын сайла” вкладкасында) агымдагы елның февраль ае эшчәнлеге нәтиҗәләре буенча төзелгән кадастр инженерлары рейтингы урнаштырылган

Быел Татарстанда 2,9 млн кв. метр торакны файдалануга тапшыру планлаштырыла. Узган ел Татарстанда яшәүче 37 мең гаилә «Торак һәм шәһәр мохите» милли проекты буенча торак шартларын яхшырткан.

Ел саен 15 мартта халыкара җәмәгатьчелек Бөтендөнья кулланучылар хокукларын яклау көнен билгеләп үтә. Мәгърифәтчелек чаралары бөтен дөнья буйлап, шул исәптән Россия Федерациясендә дә уза.


14
март 2020 ел.
шимбә

Хөрмәтле Буа муниципаль районы көнкүреш хезмәте күрсәтү һәм торак-коммуналь хуҗалыгы предприятиеләре хезмәткәрләре һәм ветераннары! Сезне чын күңелдән һөнәри бәйрәмегез – халыкка көнкүреш хезмәте күрсәтү һәм торак-коммуналь хуҗалык хезмәткәрләре көне белән котлыйм.

2020 елның 15 мартында Бөтендөнья кулланучылар хокукларын яклау көне уңаеннан кулланучылар өчен «The Sustainable Consumer» - «Рациональ кулланучы» девизы астында «кайнар линия» телефоны оештырылды .

Кулланучылар хокукларын яклау өлкәсендә килеп туган мәсьәләләр буенча консультацияне Сез кайнар линия телефоны аша ала аласыз: Роспотребнадзор Бердәм консультация үзәге 8( 843) 221 90 16, ТР Дәүләт алкоголь инспекциясенә 8( 843) 714 58 78, шулай ук Буа муниципаль районы Башкарма комитетының территориаль үсеш бүлегенә 8( 843) 743-29-93


ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования