ЯҢАЛЫКЛАР


25
декабрь 2019 ел.
чәршәмбе

21-24 декабрьдә Казанда Бөтенроссия каратэ турниры узды. Турнирда мактаулы кунак булып Россия Федерациясе Герое, ФСБ генерал майоры Андрей Мерзликин, Россия Көрәш сәнгате берлегенең башкарма директоры,  Гиннес рекордчысы, шихан Рамил Габбасов, ТР Конституция суды рәисе Фәрхәт Хөснетдинов катнашты.  Россия Федерациясенең 24 регионыннан спортчылар җыелды.

  Буа муниципаль районының һәм Буа шәһәренең  Каратэ федерациясе спортчылары, Андрей Смирнов һәм Руниза Сабитова җитәкчелегендә шөгыльләнүче «САПСАН» көрәш сәнгате клубы укучылары каратэ буенча бик уңышлы чыгыш ясадылар.  Алар Бөтенроссия турниры кысаларында балалар фестивалендә призер булдылар:

- Хөсәенов Риназ-3 урын умитэ төрендә

-Идерисов Реналь-2 һәм ике өченче урын

- Смирнова Варвара - 2 өченче урын

  Төп турнирда  кумитэда Ислам Исламов абсолют категориядә алтын медаль алды. Буадан  Данила Смирнов  абсолют чемпион булды, ул ике дисциплинада ката һәм кумитэ төрендә җиңде. Ислам Исламов һәм Данила Смирнов  бөтенстиль каратэ буенча 3 спорт(олылар) разряды нормативын үтәделәр.

  Спортчыларыбызны лаеклы бүләкләре белән котлыйбыз һәм аларга яңа уңышлар телибез!


24
декабрь 2019 ел.
сишәмбе

   Социаль партнерлык практикасын үстерүдә һәм камилләштерүдә актив катнашканы өчен Башкарма комитет җитәкчесе урынбасары - «Буа муниципаль районы Мәгариф идарәсе»  МКУ башлыгы Илгиз Фәрид улы Ханбиков Татарстан Республикасы һөнәр берлекләре федерациясенең  «Социаль партнерлык өчен» Күкрәк билгесе белән бүләкләнде.

КОТЛЫЙБЫЗ!

Дәүләт һәм муниципаль хезмәтләрне электрон рәвештә алуның өстенлекләре түбәндәгеләрдән гыйбарәт:

а) хезмәт күрсәтү белән бәйле мәгълүмат алу мөмкинлеге;

б) дәүләт һәм муниципаль хезмәт күрсәтү процедураларын гадиләштерү;

б) хезмәт күрсәтү белән бәйле вакытлы чыгымнарны кыскарту;

в) гражданинның гаризасы буенча эшнең һәр этабында мәгълүматлы булуы;

г) йорт яисә эш компьютерыннан дәүләт һәм муниципаль хезмәтләр күрсәтү турында гариза бирү мөмкинлекләре;

д) электрон документ әйләнеше системасын кертү нәтиҗәсендә бюрократик киртәләрне бетерү;

е) чиновниклар белән шәхси аралашканда барлыкка килә торган коррупцион куркынычларны киметү.

   Шәһәренең Яшьләр паркында Яңа ел чыршысын ачу тантанасы узды. Кунакларны Буа шәһәре башлыгы урынбасары Светлана Зайцева сәламләде һәм якынлашып килүче Яңа ел белән котлады. Бәйрәмгә җыелган балалар Кыш Бабай, Кар Кызы һәм  башка әкият персонажлары белән чыршы тирәли әйлән-бәйлән уйнадылар, биеделәр, рәхәтләнеп күңел ачтылар. Кыскасы, бәйрәмдә менә дигән атмосфера хөкем сөрде - Яңа ел музыкасы, мәзәкләр, күңелле һәм шатлыклы көлүләр яңгырады.


23
декабрь 2019 ел.
дүшәмбе

Заманча шугалак "Арктика" боз сарае артында урнашкан.  Шугалак өчен бортлар Казаннан китерелгән һәм "Мәрхәмәтле боз" республика программасы буенча урнаштырылган. Аның мәйданы 1500 квадрат метр тәшкил итә. Кичләрен җылытыла торган кабиналар һәм тимераякларны прокатка алу да эшлиячәк.

Каты көнкүреш калдыкларын чыгару вакыты: эш көннәрендә 17.00 сәгатьтән, шимбә 15.00 сәгатьтән.

 2, 3,4, 6, 8 гыйнвар көннәрендә  каты көнкүреш калдыкларын чыгару 15.00 сәгатьтән

Татарстан  Республикасы Авыл хуҗалыгы  һәм азык-төлек  министрлыгы авылда  кече  һәм урта  бизнесны  үстерүгә зур  игътибар  бирә.  Бүген  һәр районда  Татарстан  Республикасы Авыл хуҗалыгы  һәм азык-төлек  министрлыгы  ярдәме  белән  үз эшен  ачкан һәм  аны  уңышлы  алып  баручы  кешеләр шактый  күп.   Мәсәлән,  узган  атнада   Арча  районында  «Яңа  эш  башлаучы фермер» һәм «Гаилә терлекчелек   фермалары» программалары  буенча  Татарстан  Республикасы Авыл хуҗалыгы  һәм азык-төлек  министрлыгы грантларына  төзелгән    4  ферма  бер  үк  вакытта  ачылды. 

Республиканың сөтчелек  тармагы  алдагы  елларга  үсеш  ноктасы  булачак.  Бу  хакта  Татарстан  Республикасы Хөкүмәте Йортында узган  киңәшмәдә  Татарстан  Республикасы  Премьер  министры  урынбасары – Татарстан Республикасы  авыл  хуҗалыгы  һәм азык-төлек  министры Марат Җәббаров әйтте.  

Барлык  муниципаль районнар  белән  видеоконференция режимындагы  киңәшмәне  Татарстан  Республикасы  Президенты  Рөстәм  Миңнеханов  үткәрде.   

Хөрмәтле буалылар, район кунаклары! ⠀Сезне бүген, 23 декабрьдә, чакырабыз: ⠀ 

14.00 "Арктика" боз сарае территориясендә ачык һавада шугалак ачылуга; 

16: 00 Буа шәһәренең Үзәк һәм Яшьләр паркында Чыршы ачу тантанасына.  

Көтәбез сезне!

Буа үзәк район хастаханәсе 2019 елның 24 декабрендә Буа район үзәк хастаханәсендә кан бирү пунктына чакыра.

  Шартлар түбәндәгеләр:

  - кан бирергә теләүчеләргә үзләре белән паспортларын алырга

- сезнең яшегез 18 дән узган булырга тиеш

- гәүдә авырлыгы кимендә 60 кг.

- сездә яхшы хис һәм уңай кәеф булырга тиеш.  

Адрес: Буа ш., Ефремов ур., 137, 9.30 дан 14.00 гә кадәр.


ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования