Салым түләүләре-социаль түләүләрнең төп чыганагы
Төбәк дәүләт хезмәтләрен алганда килеп туган сораулар белән бәйле рәвештә, Россия Федераль салым хезмәтенең Татарстан Республикасы буенча Идарәсе түбәндәге мәгълүматны җиткерә.
Россия Федерациясе Конституциясенең 57 статьясы нигезендә һәркем законлы рәвештә билгеләнгән салымнар һәм җыемнар түләргә тиеш. Салымнар дәүләт яшәеше өчен кирәкле шарт булып тора. Нәкъ менә салымнар дәүләт һәм муниципаль берәмлекләрнең төп керем чыганагы. Салым түләүләренең күпчелеге бюджет финанславы рәвешендә җәмгыятькә кире кайтарыла, шул исәптән социаль түләүләр рәвешендә дә.
Шуны исәпкә алып, 2020 ел ахырында Татарстан Республикасының норматив хокукый актларына үзгәрешләр кертелде, алар нигезендә региональ дәүләт хезмәтләре, гражданнарга социаль ярдәм чараларын да кертеп, Россия Федерациясе бюджет системасының барлык дәрәҗәләрдәге бюджетларга салымнар, җыемнар һәм мәҗбүри башка түләүләр буенча бурыч алучыларда булмаган очракта күрсәтелә.
Бурычлар турында мәгълүматны социаль түләүләрне гамәлгә ашыручы органнар, ведомствоара электрон хезмәттәшлек системасын (СМЭВ) кулланып, салым органнарыннан, конкрет суммалар күрсәтмичә, электрон рәвештә алалар. Бурыч булып теләсә кайсы, хәтта иң минималь сумма да санала, .
Салым органнарыннан социаль түләүләр алучыларга бурычлар булу турында беренчел мәгълүмат алынганнан соң, түләүләрне туктатып тору турында хәбәрнамәләр җибәрелә.
Булган бурычларны түләп бетергәндә, хәбәр итү датасыннан 90 көн эчендә социаль түләүләрне яңадан бирү турында карар кабул ителә, шул ук вакытта түләүләр аларны бирү туктатылган айларда да башкарыла.
Мөһим! Социаль яклау органнарының салым органнары белән хезмәттәшлеге бары тик электрон рәвештә генә гамәлгә ашырыла, бу органнарга бурычларны кәгазьдә түләү турында белешмә яки квитанцияләр бирү таләп ителми.
Гражданнарның салым бурычы РФ Салым кодексы белән билгеләнгән срокта түләнмәгән очракта барысыннан да ешрак барлыкка килә. Бу очракта, билгеләнгән сроктан соң, мондый салым бурыч статусына (недоимкаларга) ия була һәм аңа түләү буенча бурычны үтәгән көннән соң кичектерелгән һәр календарь көне өчен пенялар исәпләнә. Гражданнар өчен пеняның процент ставкасы бу вакытта гамәлдә булган Россия Федерациясе Үзәк Банкының рефинанслау ставкасының өч йөзлегенә тигез кабул ителә (хәзерге вакытта ул 4,25% ка тигез).
Пеня исәпләү тәртибен исәпкә алып, салымнар буенча недоимка булганда салымнар буенча недоимканы, шулай ук пеня суммасын югарыда китерелгән пеня исәпләү методикасыннан чыгып исәпләнгән.
Шәхси эшмәкәрләр булып торучы гражданнарның салым бурычлары составына салым, пенялар, штрафлар, салымнар буенча исәпләнгән, салым салу системасының(кулланыла торган) шәхси эшмәкәренә бәйле рәвештә түләнә торган (түләнгән) салымнар буенча бурычлар керә: НДС, НДФЛ, ЕНВД, ЕСХН, УСН яки ПСН, шулай ук бюджеттан тыш фондларга иминият кертемнәре буенча.
Оешма җитәкчесе статусына ия булган(булган) физик затлар өчен административ хокук бозу өчен түләнгән штраф бурычы булырга мөмкин.
Салым бурычлары турында тулы белешмәләр салым органнары тарафыннан бирелә торган салым, җыемнар, иминият кертемнәре, штрафлар, процентлар буенча исәп-хисапларның торышы турындагы белешмәдә чагыла.
Кәгазьдә белешмәне яшәү (теркәлү) урыны буенча инспекциядә алырга мөмкин.
Салым органнарында гражданнарга уңайлы булсын өчен бурыч турында мәгълүмат алуның экстрориториаль принцибы гамәлгә ашырылды-бурычны түләүгә квитанцияне Татарстан Республикасының Теләсә кайсы салым органында алырга мөмкин (Россия Федераль салым хезмәтенең 18 нче һәм 20 нче санлы районара салымнардан тыш).
Салымнар буенча бурычларны капларга мөмкин:
- онлайн режимында Россия ФНС сайты сервислары (ФЛ һәм ИПның шәхси кабинеты, "Салымнар һәм пошлиналар түләү" сервисы) һәм аларның мобиль кушымталарында; дәүләт һәм муниципаль хезмәтләр порталында.
- бурычны түләүгә алган түләү документы нигезендә, банклар бүлекчәләре, Россия почтасы, түләү терминаллары аша.
Башкарылган түләүләр турында мәгълүмат салым органнарына түләнгәннән соң 3 эш көне дәвамында килә. Шул ук вакытта банкта салым түләүченең счетыннан акча күчерүне йөкләү яисә банкка тапшыру көне, түләү көненә яисә физик зат тарафыннан банкка акча күчерү өчен аларны РФ бюджет системасына күчерү өчен акчалар кертү көненә җитәрлек акча калдыгы булганда, санала.