1 Май-Хезмәт ияләренең халыкара бердәмлеге көне. Шул уңайдан буалыларны бәйрәм белән Буа муниципаль районы башлыгы Ранис Камартдинов котлый

Генераль директор Николай Курчаткин  белән бергә ул «Авангард» агрофирмасының басуларында булды. Николай Григорьевич сүзләренә караганда, начар тишелешле кырда өлешчә орлык чәчәләр. Гомумән алганда, басулар яхшы хәлдә. Чәчү кампаниясенең иң кызган чагы. Бүгенге көндә барлык мәйданның 30% ында чәчү эшләре башкарылган. Эш графиклары һава торышы шартларына бәйле рәвештә төзелә. Дым һәм яңгырлар эшне акрынайта, әмма тулаем алганда, барысы да план буенча бара. Буа районы хуҗалыклары һәм фермерлар ел саен техниканы яңарталар. Бу республика Президенты һәм аның программалары ярдәмендә мөмкин була. Хәзер иң кызу һәм җаваплы вакыт, киләсе уңыш шуңа бәйле. Аграрийлар алдында, һәр аяз көнне файдаланып, эшне вакытында башкарып чыгу бурычы тора.  

Бүген безгә Казан дәүләт архитектура-төзелеш университеты студентлары килде. Алар безнең урамнарны һәм скверларны төзекләндерү буенча үз проектларын тәкъдим иттеләр. Шулай итеп без районның Мактау тактасын яңартырга планлаштырабыз, яңа скверлар өчен идеяләр эзлибез. Студентларга бу өстәмә практика, безнең өчен-яңа карарлар һәм дизайнерлык төрлелеге чыганагы.

Татарстанда агросәнәгать комплексында хуҗалык итүнең кече рәвешләрен үстерү буенча иң яхшы крестьян (фермер) хуҗалыклары, авыл җирлекләре башлыкларын, авыл хуҗалыгы кулланучылар кооперативы рәисләрен һәм шәхси ярдәмче хуҗалыкларны сайладылар, дип хәбәр итә ТР авыл хуҗалыгы министрлыгы. Конкурска кертелгән 191 катнашучының 100е грантка ия булды. Шулай итеп, 25 хуҗалык, Иң яхшы крестьян (фермер) хуҗалыгы башлыклары дип танылды, 40 кеше – иң яхшы авыл хуҗалыгы кулланучылар кооперативлары рәисләре, 10 кеше – иң яхшы авыл җирлеге башлыклары, 25 кеше-республиканың агросәнәгать комплексында хуҗалык итүнең кече формаларын үстерү буенча иң яхшы авыл җирлеге башлыклары. Иң күп гаризалар Азнакай, Буа (5әр җиңүче) һәм Кукмара районнарында (4 җиңүче). Грант ияләренең тулы исемлеге-Татарстан Республикасы Авыл хуҗалыгы һәм азык-төлек министрлыгының рәсми сайтында.