Буаның «Гармония» халыкка социаль хезмәт күрсәтү комплекслы үзәге авыр тормыш хәлендә калган гражданнарга ярдәм күрсәтү буенча актив эш алып бара. Шушы көннәрдә учреждениегә башка төбәктән Буа районына күчеп килгән һәм акчасыз калган өлкән яшьтәге ир мөрәҗәгать иткән. Өйдә социаль хезмәт күрсәтү бүлегенең социаль эш буенча белгече Шәрипова Инга Пенсия фонды белән эш алып барды. Соңыннан белгеч Буа районының хәйрия склады җитәкчесе Шевелева Ольга белән берлектә пенсионерга азык-төлек җыелмасы һәм беренче чиратта кирәк-яраклар китерделәр. Михаил Михайлович чын күңелдән проблеманы аңлаганы өчен рәхмәт белдерде. Күпләр, авыр хәлләргә эләгеп, кулларын бөтенләй төшерәләр һәм көрәшүдән туктыйлар. Мондый кризис нәтиҗәләре бик җитди була - нәкъ менә шуңа күрә дә кешегә вакытында ярдәм күрсәтү һәм мохтаҗларга ярдәм итү бик мөһим.

Татарстан Росреестры мәгълүматлары буенча, агымдагы елның апрель аенда күчемсез милек объектларының барлык төрләренә дә ихтыяҗ янә сизелерлек үсеш күрсәткән: март аена карата ул 40% ка якын тәшкил иткән. Шул ук вакытта фатирларга ихтыяҗ – 30% ка, индивидуаль торак йортларга ихтыяҗ – 38% ка, җир кишәрлекләренә ихтыяҗ 50% ка артты. Тулаем алганда, 2020 ел белән чагыштырганда, быел сатып алу активлыгы өч тапкыр арткан. Әйтик, узган елның гыйнвар-апрель айларында Татарстан Республикасы буенча Росреестр Идарәсе тарафыннан күчемсез милек белән 30 меңнән артык килешү теркәлгән, быел – 95 меңгә якын!

Гомер буена сәламәт туклану-хәзерге һәм киләчәк буыннарның сәламәтлеген саклауның һәм ныгытуның мөһим элементы, шулай ук актив озын гомерле булу өчен иң мөһим шарт. Эшкәртелгән продуктларны җитештерү үсеше, тиз урбанизация һәм үзгәрүчән яшәү рәвеше хәзерге вакытта кешеләрнең туклану модельләрендә сәламәтлек өчен куркыныч үзгәрешләр китереп чыгарды. Бүген кешеләр югары калорияле, май, шикәр һәм тозны актив куллана, шул ук вакытта бик аз җиләк-җимеш, яшелчә һәм башка төр клетчатка кебек  азык азрак кабул ителә. Сәламәт туклану рационының төгәл составы шәхси үзенчәлекләргә (яше, җенесе, яшәү рәвеше һәм физик активлык дәрәҗәсе), мәдәни контекстка, җирле азык-төлек һәм туклану өлкәсендәге гореф-гадәтләргә бәйле.

Организмның биоритмнары бозылу безнең сәламәтлегебездә тискәре чагылыш табуы турында күбрәк дәлилләр барлыкка килә. Шуңа күрә, ризыкны  төп кабул итү даими һәм якынча бер үк вакытта булырга тиеш. Бигрәк тә иртәнге ашны ашау мөһим, чөнки нәкъ менә ул көннең яхшы башлануын тәэмин итә. Ашказаны буш булганда без ачлык хисен тоябыз.