Буа станциясе җитәкчелеге балалар белән тимер юл транспортында куркынычсызлык кагыйдәләре турында аңлату эшләре алып барырга чакыра
Сентябрь аенда " Балаларга куркынычсыз тимер юл!" айлыгы узды. Әмма балаларның иминлеге- һәр вакыт игътибарда булса иде. Шуңа бәйле рәвештә Буа станциясе җитәкчелеге балигъ булмаганнар һәм аларның ата-аналары арасында куркынычсызлык кагыйдәләрен даими үтәү кирәклеге турында аңлату эшләре алып барырга чакыра. Шул исәптән тәрбия эше планына һәм ата-аналар җыелышларына укучылар һәм аларның ата-аналары белән "Тимер юл транспортында балаларның куркынычсызлык кагыйдәләре"темасына лекцияләр үткәрүне кертүне сорый.
Горький тимер юлында 2021 ел башыннан бирле 8 яшүсмер зыян күргән, шуларның 4се һәлак булган. Еш кына балалар һәм яшүсмерләр тимер юлда йөрү аркасында җәрәхәтләнә һәм тиешле булмаган урыннарда якынлашып килүче поезд алдыннан рельс аша чыгарга омтыла.
Тимерьюлчылар магистральгә хезмәт күрсәтү төбәкләрендә транспорт полициясе хезмәткәрләре белән берлектә поездлар хәрәкәте зонасында балигъ булмаганнар белән бәхетсезлек очракларын кисәтүгә юнәлдерелгән даими профилактик чаралар үткәрәләр.
Тимерьюлчылар тимер юл транспорты объектларында игътибарлы һәм сак булырга кирәклеген искә төшерә. Бу максат өчен билгеләнмәгән урыннарда юллар аркылы чыгарга һәм аларны якынлашып килүче поезд алдыннан йөгерергә, вагоннар түбәләренә менәргә, элемтә челтәренә якын килергә ярамый. Тимер юл кисешүе өчен бары тик җәяүлеләр күперләреннән һәм юл кичүләреннән генә файдаланырга кирәк. Шулай ук ата-аналарның игътибарын тимер юлда куркынычсызлык кагыйдәләрен даими искә төшерү кирәклегенә юнәлтәбез, чөнки алар һәрвакытта да хәлне дөрес бәяләргә һәм куркынычны танырга сәләтле түгел. Балаларны караучысыз калдырмавыгызны сорыйбыз.