Буа районында Европа иммунизациясе атнасы үтә

Буа муниципаль районындагы халыкка социаль ярдәм күрсәтү үзәге “Гармония” хезмәткәрләре Европа иммунизациясе атнасы кысаларында  социаль ярдәм алучылар өчен чаралар уздырдылар. Үзәктә “Үзеңне һәм якыннарыңны сакла – прививка ясат!” дип аталган стенд урнаштырылды, социаль патронаж, социаль участок хезмәтләре кысаларында “Иммунпрофилактика” дип аталган темага әңгәмәләр үткәрелде, “Сак булыгыз – талпан!” дигән темага буклетлар таратылды.

“Подросток”, “Преодоление” клубы әгъзалары өчен “Кисәтергә - Якларга – Прививка ясатырга” дип аталган презентация күрсәтелде.

Белгечләр йогышлы авыруларны кисәтүдә иммунизациянең зур роль уйнавын җиткерергә тырыштылар.