1 НОМЕРЛЫ ЗОНА ЭЗЛӘҮ-КОТКАРУ ОТРЯДЫ КИСӘТӘ
Буалылар, 1 номерлы зона эзләү-коткару отряды кисәтә: бәхетсезлеккә юлыкмас өчен, һичьюгы төп кагыйдәләрне онытмагыз. Иң элек су коену өчен моның өчен махсус урыннарны сайлау мәслихәт. Һава температурасы +20, суныкы +18 градустан түбән булганда суга керергә ярамый .Анда да 3-5 тапкыр 10-15 минутлап кына коенырга кирәк. Суда организмның суынуы аеруча куркыныч, моның аркасында кеше тирән булмаган урында да батарга мөмкин. Ашаганнан соң 1,5-2 сәгать вакыт узарга тиеш. Балаларны су буена үзләрен генә җибәрергә ярамый. Шулай ук, бигрәк тә йөзә белмәгәндә камера, такта кебек йөзү чаралары кулланмавың, этеп-төртешеп уйнамавың, башкаларны куркытмавың, караңгы вакытта коенмавың, спиртлы эчемлекләр эчкән килеш суга кермәвең хәерле. Бәла килеп чыккан очракта 112 номеры буенча коткару хезмәтчелегенә хәбәр итәргә кирәк.