Алдынгыларга тигезләнегез
Урып-җыю эшләре белән район комбайнчылары арасында да ярыш башланды. 31 июльгә иң күп ашлык суктыручылар белән танышыгыз.
“Коммуна” җәмгыятеннән Илдус Насыйбуллин икенче төркемгә керүче “Акрос-550” комбайны белән 551 тонна бөртек суктырды. Икенче-өченче урыннарны да аның хезмәттәшләре били. Ринат Нигъмәтуллин “Акрос-530” белән 422, Ришат Ибләминов “ДОН-1500” комбайны белән 393 тонна ашлык җыеп алдылар.
Өченче төркемдәгеләр арасында әлегә лидерлык “Кыят”тан “Акрос-595”та эшләүче Александр Грачевта. Аның күрсәткече 916 тоннага тиң. Биредә үк “КЗС-1218” комбайнын иярләүче Дмитрий Герасимов 651, “Дружба” агрофирмасының 4 номерлы филиалыннан “Мега 370” комбайны белән Марат Алимов 607 тонна иген суктырдылар. Аның хезмәттәше Сирин Җәләлов дүртенче төркемгә керүче “Лексион-540” комбайнында 398 тонна ашлык җыеп алды.
Игеннәрне урдыруда “АгроНур”дан “КСУ-1” агрегаты белән Андрей Емельяновның күрсәткече 140 гектарга тиң.