Буада кош гриппы карантины бетте

2018 елның 20 августы, дүшәмбе

  Ташкичү, Вольный Стан һәм Түбән Наратбаш авылларында биш шәхси хуҗалыкта вирусның барлыгы раслангач, июль ахырында кош гриппы карантины кертелде.

   Бүген карантин бетте. Район ветеринар берләшмә башлыгы Булат Шәкүров сүзләренә караганда, Буа-Яльчик, Казан-Ульян автоюлларында ветеринар постлар юк ителде, үзәк базарда кош-корт продукциясен сату үз көченә керде. Әлегә тере кош-корт сату чикләнгән. Йорт хайваннары сатыла торган базарда ветберләшмә белгечләре башка регион машиналарын дезинфекциялиләр.