Яңа эш машиналарының ачкычларын тапшырды

2018 елның 29 августы, чәршәмбе

Бүген ТР Президенты Р.Н.Миннеханов Буа муниципаль районының өч авыл җирлеге Башлыкларына яңа эш машиналарының ачкычларын тапшырды.

    Республикада Татарстан Республикасы Көненә муниципаль берәмлекләрнең республика смотр-конкурсы нәтиҗәләре ясалды. Җиңүчеләр арасында Кайбыч, Мөкерле, Рунга авыл җирлекләре бар.

   Халык белән эшләүдә, гражданнарга шартлар тудыруда зур рольне авыл җирлеге башлыклары уйный. Аларның тырышлыклары белән авылларда социаль-мәдәни объектлар барлыкка килә, ремонт ясала, авыл кешеләренең тормышы яхшыра. Авыл җирлеге башлыгы эшенең оперативлылыгы материаль-техник база белән бәйле.