Буалылар тернәкләндерү һәм карау нигезләрен өйрәнделәр

2018 елның 4 октябре, пәнҗешәмбе

“Тәрбия һәм тернәкләндерү мәктәбе”программасында  катнашучылар өчен чираттагы чара Буа медицина училищесында узды. Программа Буа муниципаль районындагы халыкка социаль ярдәм күрсәтү “Гармония” үзәгендә өлкәннәргә өйгә килеп социаль хезмәт күрсәтү бүлеге медицина хезмәткәре тарафыннан оештырылды. Геронтология нигезләре һәм олыларның туклану үзенчәлекләре белән югары категорияле укытучы Галиуллина Мәдинә Шараф кызы таныштырды. Ул картаю процессының ничек баруын, озын гомерле булуның серләрен аңлатты.

Тормыш эшчәнлеге дөрес барсын һәм организмны энергия белән тәэмин итәр өчен дөрес тукланырга кирәклекне аңлатты.

Үзәк хезмәткәрләре һәм программада катнашучылар өлкәннәр белән эшләгәндә мондый чаралар гамәли хәзинә булып тора дип саныйлар.