Татарстан Республикасы Президенты каршындагы Эшкуарлык советы Буа районында күчмә утырыш уздырачак
15 ноябрьдә Буа районында Татарстан Республикасы Президенты каршындагы Эшкуарлык советының күчмә утырышы узачак. Бизнес-омбудсмен Тимур Нагуманов оештырган очрашу барышында эшкуарлар хакимият органнары җитәкчеләренә актуаль сораулар бирә, бизнес алып бару барышында барлыкка килгән проблемаларны билгели алачаклар.
Буа районында хакимият органнарының беренче затларының эшкуарлык бергәлеге белән күчмә очрашуы узачак. Эшкуарлык советы утырышы спикерлары сыйфатында чыгыш ясаячаклар:
Тимур Нагуманов, Бизнес-омбудсмен;
Ренат Тимерҗанов, ТР буенча баш федераль инспектор;
Марат Җәббаров, Буа районы башлыгы;
Хәбиров Альберт Абдулла улы, Казан табигатьне саклау прокуроры;
Салихов Айдар Раиф улы, " Эшкуарлыкка ярдәм Фонды" генераль директоры;
ТР Прокуратурасы һәм ТР буенча ФСХИ вәкилләре.
Очрашуда катнашу өчен эшмәкәрләргә (843) 210-15-99 телефоны буенча теркәлергә кирәк. яки 3-29-93
Тимур Нагуманов 2015 елның декабрендә оештырылган Эшкуарлык буенча Татарстан Республикасы Президенты каршындагы Советның ничек эшләве һәм бүгенге көндә экспертлар һәм эшкуарлар эшләгән исемлек турында сөйләячәк. Утырыш барышында катнашучылар эшмәкәрләр белән берлектә хакимият органнары катнашуны таләп иткән проблемалы темалар һәм мәсьәләләр исемлеген төзиләр. Бу темалар Советның 2018-2019 елларга эш планына кертеләчәк.
Эшкуарлык советы-эшкуарларның хакимият органнары белән хезмәттәшлеге мәйданчыгы, анда бизнес вәкилләре идеяләр, инициативалар, хәл итү һәм гамәлгә ашыру өчен актуаль мәсьәләләр тәкъдим итә. Эшмәкәрләр эшмәкәрлек мохитен яхшырту, артык бюрократик процедураларны киметү буенча проектларның инициаторлары булып торалар.
Тимур Нагуманов, Ренат Тимерҗанов һәм башка спикерлар эшкуарларның сорауларына җавап бирәчәкләр һәм Буа районында эшмәкәрлек актуаль мәсьәләләре турында фикер алышачаклар.
Чара 15.00 сәгатьтә Буа шәһәре, Р. Люксембург урамы, 157 йорт адресы буенча урнашкан район мәдәният йортында узачак. Эшкуарларны теркәү 14.30 сәгатьтә башлана.