Буалы Александр Гришин "Минем Татарстан" республика иҗади эшләр конкурсында беренче урынны алды

2018 елның 10 ноябре, шимбә

Казанда "минем Татарстан" республика иҗади эшләр конкурсында җиңүчеләрне бүләкләү тантанасы узды. "Фотография" номинациясендә "Без бергә" берләшмәсен тәмамлаган Александр Гришин эше (җитәкчесе Елена Юманова) беренче урынны алды.

Конкурсның читтән торып үткәрелә торган этабы март аенда ук башланып китте, укучы һәм педагог, катгый жюри тарафыннан лаеклы рәвештә танылгач, барлык этапларны да лаеклы үттеләр. Александрны җиңүләре белән котлыйбыз һәм аңа яңа иҗади уңышлар телибез!