Татарстан Республикасы буенча Эчке эшләр министры Артем Хохорин һәлак булган хезмәткәрләрнең гаилә әгъзалары белән очрашты
Шушы көннәрдә Татарстан Республикасы буенча Эчке эшләр министрлыгында эчке органнар хезмәткәрләренең хезмәт вазыйфаларын башкарганда һәлак булганнарны искә алу көненә багышланган чаралар узды. Шуның белән бәйле рәвештә Татарстан Республикасы буенча Эчке эшләр министры полиция генерал-лейтенанты Артем Хохорин һәлак булган хезмәткәрләрнең гаилә әгъзалары белән очрашты.
Буадан министр белән очрашуга 6 кеше китте. Алар Министрлык җитәкчелеге белән аралаштылар, алар өчен махсус концерт программасы һәм тантаналы төшке аш әзерләнгән иде.
Исегезгә төшерәбез, 2002 елның 4 февралендә Буа шәһәре Эчке Эшләр идарәсенең 7 яшь, батыр хезмәткәре һәм Ырынгы авылының 2 тыныч кешесе үзенең соңгы сугышын кабул итте. Абдрахманов Шамил -җинаять милициясе бүлеге оперуполномоченные, милиция лейтенанты; Заһретдинов Гамил -милициянең участок уполномоченные, милиция капитаны; Шәйдуллин Азат – җинаять милициясе бүлеге оперуполномоченные, милиция лейтенанты; Шәрәфетдинов Рәшит -милиция капитаны; Хәйруллин Илнур – юл-патруль хезмәте инспекторы; һәм ЮХИДИ штаттан тыш хезмәткәрләре «Агрохимсервис» механизаторы Олег Сайкин һәм Тельман исемендәге АКХ механизаторы Сергей Шурбин кораллы бандитлардан яклап һәлак булдылар. Аларның батырлыгы бурычлы һәм үз халкына фидакарь хезмәт итү үрнәге булып тора, һәм без аларның батырлыгы алдында баш иябез. Гомерләре бәрабәренә күп мең кешенең тынычлыгын һәм тормышын саклап калучылар алдында баш иябез.
Хәзерге заман геройларына, үзләренең һөнәри бурычлары итеп ватандашларны яклауны сайлаучы, дежурлык тәртипеннән бәйсез рәвештә ярдәмгә килүче кешеләргә мәңгелек хәтер.