Буалылар игътибарына, милек салымнарын түләү срогы тәмамланганчы санаулы көннәр кала!
3 декабрьгә кадәр гражданнарга:
- физик затларның милеккә булган салымын;
- җир салымын;
- транспорт салымын;
- физик затларның керемнәренә салым агенты тарафыннан тотылмаган салымны түләргә кирәк.
Салымнарны түләү теркәүче органнардан (Росреестр, ЮХИДИ, ГИМС һ.б.) кергән мәгълүматлардан формалашкан салым хәбәрләре, шулай ук 2-НДФЛ формасы буенча физик затларның керемнәре турында белешмәләр нигезендә формалаша.
Салым хәбәрләре почта аша, ә “Физик затлар өчен Шәхси кабинет”тан файдаланучыларга Шәхси кабинетка җибәрелә.
Кирәк булса, салым хәбәрен теләсә нинди салым органыннан яки КФУ “Минем документларым”а гариза язып мөрәҗәгать итеп алып була.
Салым хәбәрләре түбәндәге очракларда җибәрелми:
- әгәр салым ташлама булып һәм салым алынган булып исәпләнмәсә;
- әгәр хәбәрдә салымнар саны 100 сумнан ким булса;
Салым хәбәрендә дөрес булмаган мәгълүмат булса, бу турыда теләсә нинди җайлы юл белән (шәхсән, почта аша, Россия ФСХ сайты яки Шәхси кабинет аша) хәбәр итәргә кирәк.
Салымны:
- Россия ФСХ сайтының “Салымнарны түлә” һәм “Шәхси кабинет” сервислары аша;
- “Дәүләт хезмәтләре” федераль порталы аша;
- Кредит учрежденияләре аша;
- “Электрон хөкүмәт” порталы һәм терминаллары аша түләргә мөмкин.
Сүз уңаеннан, район финанс-бюджет палатасыннан алынган мәгълүматларга караганда, 12 ноябрьгә гражданнардан җир салымы өчен түләүләрнең 45 проценты, мөлкәткә салымның 37 проценты, транспорт салымының 44 проценты гына кертелгән. Мөлкәткә салым түләү срогы төгәлләнүгә бер айдан кимрәк вакыт калды, ашыгыгыз!