Яшь буалы "Кояшлы куян " Республика балалар иҗат эшләре конкурсында 1 нче урынны алды

2018 елның 16 ноябре, җомга

Кичә "Кояшлы куян" IX Республика балалар иҗат эшләре конкурсына йомгак ясалды. Буа шәһәренең "Ромашка" балалар бакчасында тәрбияләнүче Эмиль Хәмидуллин "Иң яхшы кул эшләнмәләре" номинациясендә 1 урын алды. Ул Мактау грамотасы һәм кыйммәтле бүләк белән бүләкләнде.

Шуны да билгеләп үтәргә кирәк, быел конкурска 450 дән артык иҗади эш тәкъдим ителгән иде: рус һәм татар телләрендә шигырьләр, төрле техникада эшләнгән рәсемнәр һәм эшләнмәләр.
Эмильне котлыйбыз һәм аңа укуларында уңышлар һәм яңа җиңүләр телибез!