Казанда "Тарихи бранч " тарихи клубы утырышы узачак

2019 елның 25 гыйнвары, җомга

26 гыйнвар көнне Г. Камал исемендәге Татар дәүләт академия театрында татар драматургиясе классигы Галискәр Камалның тууына 140 ел тулуга багышланган «Тарихи бранч» тарихи клубы утырышы узачак.
«Тарихи бранч» – тарихка багышланган клуб проекты. Бу юлы профессиональ тарихчылар һәм һәвәскәрләр татар театрының барлыкка килү һәм үсеш тарихы турында фикер алышачак. Галимнәр һәм тикшеренүчеләр беренче режиссерларның, актерларның, театр куелышларының тормышы һәм иҗаты турында сөйләячәкләр, җәмгыять һәм театрның үзара мөнәсәбәтләре турында фикер алышачаклар һәм башкалар. "Тарихи бранч"та катнашучылар өчен театр буенча экскурсия оештырылачак. Керү ирекле.