Буада "Талантлар салават күпере" узды
2-3 февраль көнне Буа шәһәренең 1нче балалар сәнгать мәктәбендә "Талантлар салават күпере" халыкара сәнгать конкурсы узды. Конкурсны оештыручы булып Ритм халыкара үзәге чыкты. Татарстан Республикасының төрле шәһәрләреннән (Яр Чаллы, Казан, Яшел Үзән , Алабуга, Байлар Сабасы, Урыссу, Апас, Тәтеш, Кайбыч, Кама Тамагы, Затон, Сөйки, Югары Ослан, Иске Дрожанное , Буа), Чуваш Республикасыннан (Чабаксар, Батырево, Сугышутлар, Яңа Чәчбоксарск), Ульяновск өлкәсеннән (Ульяновск, Сенгилә, Криуши, Новоульяновск) 500дән артык катнашучы бар иде.
Төрле номинацияләрдә 364 конкурс номерын атказанган мәдәният һәм сәнгать эшлеклеләреннән компетентлы жюри бәяләде. Иҗади һәм дустанә атмосфера, башкару осталыгының югары дәрәҗәсе конкурсны оештыручылар гына түгел, делегация җитәкчеләре дә билгеләп үтелде. Безнең шәһәрнең иҗат коллективлары һәм солистлары конкурсның барлык номинацияләрендә катнаштылар һәм лаеклы нәтиҗәләргә ирештеләр.