Совет гаскәрләрен Әфганстаннан чыгаруга 30 ел тулуга багышланган мини-футбол буенча ачык район турниры узды
Буа шәһәренең "Яшьлек" спорт комплексында 2006-2007 елгы егетләр арасында, совет гаскәрләрен Әфганстаннан чыгаруга 30 ел тулуга багышланган мини-футбол буенча ачык район турниры узды.
Катнашучыларны сугышчы-интернационалистлар: Атнагулов Илгизәр, Арланов Анатолий, Мөхәммәтшин Рамил сәламләделәр. Алар шулай ук балаларга истәлекле бүләкләр, кубок, медальләр һәм грамоталар тапшырдылар.
Турнирда 9 команда катнашты. Ярыш нәтиҗәләре буенча урыннар түбәндәгечә бүленде:1 урын - 5нче Гимназия; 2 урын- Р.Сәгъдиев исемендәге урта мәктәп; 3 урын - 2 нче Лицей. Турнирның иң яхшы уенчылары: Органов Никита - 2нче Лицей; Ганиев Динар- 5нче гимназия. ⠀ Баширов Ленар - Р.Сәгъдиев исемендәге урта мәктәп. Истәлекле призларга Тиханов Артем, Гыйззәтуллин Азат, Әбулкарамов Адель лаек булды.
Барлык катнашучыларны котлыйбыз һәм киләчәктә дә уңышлар телибез.