Хөрмәтле салым түләүчеләр! 2019 елның 1 гыйнварыннан декларация кампаниясе старт алды.
Татарстан Республикасы буенча 8-нче номерлы районара салым инспекциясе шуны искәртә: 2019 елның 1 гыйнварыннан декларация кампаниясе башланды. 2018 ел өчен физик затлар кеременә салым буенча 3-НДФЛ формасы буенча декларацияләрне физик затлар салым органына 2019 елның 30 апреленнән дә соңга калмыйча тапшырырга тиеш.
Салым органнарына салым декларациясен мөстәкыйль тапшырырга тиешле гражданнар, ул кем:
- милкендә минималь яшәү срогы ким булган фатирны сатты (3 елдан ким, ә 2016 елның 1 гыйнварыннан соң милеккә алынган күчемсез мөлкәткә карата - 5 елдан),
- башка милекне, шул исәптән 3 елдан да ким булган машинаны сатты,
- кыйммәтле кәгазьләрне сатты,
- якын туганнарыннан түгел кыйммәтле бүләкләр кабул итте;
- лотереяда отты;
- милекне арендага бирде;
- яки чит ил чыганакларыннан табыш алды
2018 елда алынган керемнәрне шәхси практика белән шөгыльләнүче шәхси эшмәкәрләр, нотариуслар, адвокат кабинетларын гамәлгә куйган адвокатлар һәм шәхси практика белән шөгыльләнүче башка затлар да декларацияләргә тиеш.
Салым декларациясе салым органына шәхсән яисә вәкил аша тапшырылырга мөмкин, "Салым түләүченең шәхси кабинеты" интерактив сервисы аша электрон формада тапшырыла яки кертемнәр исемлеге белән почта аша җибәрелә ала.
2018 ел керемнәре буенча салым декларациясен тутыру һәм тапшыру өчен Россия Федераль салым хезмәте сайтында «Физик затлар өчен салым түләүченең шәхси кабинеты» сервисын куллану аеруча уңайлы. Сервис ярдәмендә онлайн НДФЛ буенча салым декларациясен интерактив режимда тутыру мөмкинлеге бар. Электрон имза белән имзаланган декларация салым органына җибәрелә һәм аның статусын күзәтеп бару өчен уңайлы була.
«Салым һәм бухгалтер хисапларын электрон рәвештә тапшыру» сервисы турында өстәмә мәгълүмат «Электрон сервислар» бүлегендә урнаштырылган.
Физик затларның кеременә салым салу буенча телдән консультацияләр 8-800-222-222 Бердәм Контакт үзәге телефоны буенча алырга мөмкин.