Район укучылары «Илһам»яшь шагыйрьләр һәм язучыларның Бөтенроссия конкурсында катнаштылар.

2019 елның 23 марты, шимбә

Районыбыз укучылары үзләре иҗат иткән шигырь һәм хикәяләрен "Илһам" Бөтенроссия яшь шагыйрьләр һәм язучылар бәйгесенә җибәргән иде. Аларның 3се, ягъни иң-иңнәре, Казанга сайлап алу турларына чакырылды. Зур Фролово мәктәбенең7 нче сыйныф укучысы Ханмурзина Нәфисә һәм 9 нчы сыйныф укучысы Вәлиуллин Рәсим, Алших мәктәбеннән 7 нче сыйныф укучысы Галимҗанова Азалия үзләре язган шигырьләрен сәнгатьле итеп сөйләделәр, язучыларның сорауларына җавап бирделәр. Җиңүчеләр исемлеге соңрак билгеле булачак. Укучыларга киләчәктә дә иҗади уңышлар телибез.