25 апрельдән 10 майга кадәр Татарстанда Министрлар Кабинеты карары янгынга каршы махсус режим игълан ителде.
Аны кертү ел саен язгы-җәйге чорда янгын куркынычы дәрәҗәсе артуга бәйле. Бу чорда коры үләнне һәм чүп-чарны яндыру, ачык утка ризык әзерләү, урман янгыннары куркынычы янаган торак пунктлар территорияләрендә, бакчачылык һәм яшелчәчелек ширкәтләре, балалар сәламәтләндерү лагерьлары, икътисад объектлары, сәламәтләндерү оешмалары, урман кишәрлекләре белән чиктәш зоналарда, торфаклы участокларда һәм ачык территорияләрдә 1-3 класслы пиротехника әйберләрен куллану тыела.
Министрлар Кабинеты карары җирле хакимиятләргә ведомство карамагындагы объектларның территорияләрен коры үлән һәм чүп-чардан чистарту, тышкы янгынга каршы су белән тәэмин итү чыганаклары балансында булган эшләргә сәләтлелеген тикшерергә һәм янгын куркынычы булган эшләрне чикләргә күрсәтмә бирә.
Янгынга каршы махсус режимны бозган өчен (учаклар үрчетү) штрафлар каралган: гражданнар өчен 2 меңнән 4 меңгә кадәр; вазыйфаи затлар өчен 15 меңнән 30 мең сумга кадәр; юридик затлар өчен - 400 меңнән 500 мең сумга кадәр.