Ташландык җир участогы хуҗасы ЕГРН буенча ничек табарга
Россиядә көн саен күчемсез милек белән күп эш башкарыла: кемдер сатып ала, кемдер сата, ә кемдер алмаша. Шул ук вакытта һәркем киләчәктә үткәрелгән алыш-бирештән тискәре нәтиҗәләрен бетерергә омтыла. Моның нәтиҗәләре төрлечә күренергә мөмкин-көтмәгәндә килеп чыккан варислар да, сатучы тарафыннан йорт диварындагы ярыклар да, арест/йөкләмә дә һәм башка бик күп хәлләр дә. Шуңа күрә мондый әһәмиятле вакыйгага, мәсәлән, күчемсез милек сатып алу кебек, зур җаваплылык белән якын килергә кирәк.
Бик күп советлар, рекомендацияләр бар, ничек зыянны киметергә һәм уңышлы башкарылган килешү турында озак еллар шатланырга. Кайбер проблемаларны, әйтик, җир кишәрлеген сатып алу-сатуга кул кую бусагасында ук, «Гавами Кадастр картасы» түләүсез электрон сервисыннан яки Росреестр сайтында күчемсез милек объектлары буенча мәгълүмат белән файдаланып, булдырмый калырга мөмкин. Аның ярдәме белән кызыксынучы кишәрлекнең кадастр номерын, аның урнашу урынын, статусын, мәйданы, кадастр бәясен, милек формасын, межалау үткәрелгәнме, участок саклау зоналары чикләренә керәме һәм исәпкә куелганмы икәнен белергә була. Әлеге картада участок табу өчен эзләү корылмасына кадастр номеры адресын кертергә кирәк. Тик хәтта шул очракта да, әгәрдә сез ул информациянә белмисез икән, тик аның урнашуы исегездә бар икән - аны картаның үзен карап барып табып була.
Конкрет объект турында тулырак мәгълүматны алу өчен Росреестр сайты аша яисә КФҮ офислары аша күчемсез милек объекты турында бердәм дәүләт күчемсез милек реестрыннан өземтә соратып алырга кирәк. Аның буенча югарыда санап үтелгән барлык мәгълүматны гына түгел, ә хокук иясенең фамилиясен дә, салынган арестның, йөкләмәләрнең булмавын, корылмадан файдалануда чикләүләр булуны да белергә була. Мондый мәгълүматлар һәркемгә ачык, аларны теләсә кайсы кызыксынган затка заказ бирергә мөмкин.