Казанда "ВолгоСтройЭкспо" күргәзмәсен ачу тантанасы узды

2019 елның 23 апреле, сишәмбе

Бүген Казанда «ВолгаСтройЭкспо» 24 нче халыкара махсуслаштырылган күргәзмәсен ачу тантанасы булды, аның кысаларында 2018 ел нәтиҗәләре буенча «Татарстан Республикасы төзелеш тармагында хезмәтне саклау буенча иң яхшы оешма» смотр-конкурсын оештыруда актив эше өчен Буа муниципаль районы Башкарма комитеты диплом белән бүләкләнде. Күргәзмә ачылышында Буа муниципаль районы Башкарма комитеты җитәкчесе Ранис Камартдинов катнашты.

Смотр-конкурс 2004 елдан бирле төзелеш тармагы предприятиеләрендә һәм оешмаларында хезмәт шартларын яхшырту һәм хезмәтне саклау эшен активлаштыру, җитештерү травматизмын профилактикалау һәм хезмәтне саклау торышын контрольдә тотуны көчәйтү максатларында үткәрелә.