Буа районында гидротехник корылманы капиталь ремонтлау төгәлләнде

2019 елның 23 мае, пәнҗешәмбе

Буа муниципаль районының Әхмәт авылы янындагы күлне - гидротехник корылманы капиталь ремонты төгәлләнде. Ремонт эшләре ике ел дәвам итте. Бу максатларга республика бюджетыннан 3 млн. сум бүлеп бирелгән иде. Кичә районның авыл хуҗалыгы һәм азык-төлек идарәсе начальнигы Р. Габитов, "Татмелиоводхоз" ФДБУ директоры урынбасары Р. Кәримуллин, Яңа Чәчкап авыл җирлеге башлыгы Д. Абрахманова, проектлаучы һәм подрядчы составындагы кабул итү комиссиясе башкарылган эшләрне бәяләде. Шуны да билгеләп үтәргә кирәк, платинага капиталь ремонтны "Буа Мелиоводстрой" ҖЧҖ башкарды.