Буа районы мәктәпләрендә Соңгы кыңгырау чыңлады
Бүген Буа районының барлык 32 мәктәбендә уку елы тәмамлану уңаеннан тантаналы линейкалар узды; соңгы кыңгырау 9 һәм 11 нче сыйныф укучылары өчен яңгырады. 11 нче сыйныфны тәмамлаучылар Буа шәһәренең 2 нче лицеенда иң күп - олы тормышка 33 укучы керә.
«Бу бәйрәм чыгарылыш сыйныф укучылары өчен генә түгел, укытучылар һәм ата-аналар өчен дә мөһим. Аларның тырышлыгы белән, кадерле чыгарылыш сыйныф укучылары, сез белем алган идегез, һәм хәзер сезнең алда җаваплы бурыч тора - имтиханнарны уңышлы тапшыру һәм аттестат алу. Чын күңелдән сезгә чыгарылыш имтиханнарында уңышлар телим. Иң амбициоз планнарыгыз, барлык хыялларыгыз тормышка ашсын!",- дип чыгарылыш сыйныф укучыларына Ранис Рафис улы мөрәҗәгать итте.
Чыгарылыш сыйныф укучылары яраткан укытучыларына алган белемнәре, игътибарлылыгы һәм игелеклелеге, әти-әниләргә түземлеге һәм ярдәмчеллеге өчен рәхмәт белдерделәр.
Алда балаларның җаваплы чоры. 27 майда Бердәм дәүләт имтиханнары башлана.