Кадастр инженерларының яңа рейтингын Татарстан Росреестры сайтында карарга була
Татарстан Республикасы буенча Росреестр Идарәсенең rosreestr.tatarstan.ru рәсми сайтында "кадастр инженерларын сайла" өстәмә битендә агымдагы елның алты ае эшчәнлеге нәтиҗәләре буенча төзелгән кадастр инженерлары рейтингы урнаштырылган. Шулай ук бу бүлектә айлар буенча төзелгән рейтинг белән танышырга мөмкин.
Исегезгә төшерәбез, кадастр инженерлары рейтингы күчемсез милек объектларын кадастр исәбенә куюда кабул ителгән уңай һәм тискәре карарлар саны һәм документлар әзерләү сыйфатында нигезләнә. Шулай итеп, әгәр туктату һәм баш тартуның проценты 35тән артык булса, кадастр инженеры " кызыл зонага" эләгә. Әгәр туктату һәм баш тартулар проценты 35тән ким булса, 18дән артык «ак зона»га. Әгәр туктатулар һәм баш тартулар 18 проценттан ким икән - «яшел зона»га.
Татарстан Росреестры тарафыннан 2019 елның 6 аенда төзелгән рейтинг күрсәткәнчә, хәзерге вакытта кадастр инженерларының күбесе «Ак» (158) һәм «яшел» зонада (132) эшли, «кызыл зона» га 72 кадастр инженеры кертелгән.
Игътибар итегез, бу мәгълүмат кадастр инженерларының реклама эшчәнлеге түгел, шул исәптән техник документлар әзерләү буенча иң яхшы күрсәткечләргә дә ия. Татарстан Росреестрының айлык рейтингы бары тик кадастр инженерлары эшчәнлеге нәтиҗәләре турында гына гариза бирүчеләргә хәбәр итүгә юнәлдерелгән. Билгеле булганча, күчемсез милекне кадастр инженеры катнашыннан башка рәсмиләштергәндә булмый бит. Аның никадәр профессиональ эшләвенә, күп очракта, кадастр исәбенә кую турында уңай карар кабул ителүенә яки, киресенчә, туктатылуга яки хәтта баш тартуга бәйле. Икенче очракта гражданнар өчен бу вакыт кына түгел, ә акча да югалтыла.
Игътибарга
Конкрет кадастр инженерының эш сыйфатыннан канәгать булмаган заказ бирүчеләр «Идел буе кадастр инженерлары Ассоциациясе» СРОда +7 (843) 291-05-10 телефоны буенча үз фикерләрен җиткерә алалар. Биредә аралашуга һәрвакыт ачык һәм килеп туган проблемаларны хәл итүдә ярдәм итәргә әзерләр.