«Театр Идел буе» фестиваленең төбәк этабы җиңүчеләре арасында 5нче гимназиянең «Сәләт» театр коллективы бар.
«Театраль Идел буе» округ фестиваленең Эксперт советы Идел буе федераль округы фестиваленең төбәк этабына йомгак ясады. Мондый бәйге Россиядә Театр елы кысаларында Идел буе федераль округында беренче тапкыр оештырылды һәм Россия Федерациясе Президентының Идел буе федераль округындагы Тулы вәкаләтле вәкиле Игорь Комаров патронаты астында үткәрелә. Фестивальнең республика этабында катнашу өчен балалар һәм яшьләр үзешчән театр коллективларыннан барлыгы 30дан артык гариза кабул ителде. Конкурсның төбәк этабының икенче турына 5 мәктәп (балалар) иҗат коллективы һәм 1 студентлар коллективы чыкты. Әлеге этапта җиңүчеләр арасында Буа шәһәренең 5нче гимназиянең, Л. Т. Исхакова җитәкчелегендәге «Сәләт» театр коллективы да бар.
Мәртәбәле жюри хөкеменә коллектив "Кэж, ул читек" спектакленнән өзек тәкъдим итте һәм диплом һәм кыйммәтле бүләкләр белән бүләкләнде. Хәзер аларга 1 августтан 31 октябрьгә кадәр узачак фестивальнең Округ этабында җиңү өчен көрәшергә туры киләчәк. Финалда иң яхшыларны ачык тамашачылар тавыш бирү юлы белән сайлап алачаклар, моның өчен спектакльләр - фестиваленең төбәк этапларында җиңүчеләр Интернет челтәрендә урнаштырылачак. Конкурс нәтиҗәләре буенча Идел буе федераль округының иң яхшы студентлар һәм иң яхшы мәктәп театрлары, шулай ук «Иң яхшы режиссер эше», «Иң яхшы актер», «Иң яхшы актриса»номинацияләрендә җиңүчеләр билгеләнәчәк. Җиңүчеләр коллективларына истәлекле билгеләр һәм яңа спектакльләр кую өчен максатчан грантлар биреләчәк.
Яшь талантларны лаеклы чыгышлары белән котлыйбыз һәм финалда җиңүләрен телибез!!!
