Салым буенча бурычларны түләү квитанциясен Татарстан Республикасы КФҮнең барлык офисларында да алырга мөмкин
Татарстан Республикасының күп функцияле үзәкләре офисларында әҗәтләр булу яки булмау турында белергә, салым түләү квитанцияләрен алырга мөмкин.
«Физик затлар милкенә салым, Җир һәм транспорт салымнары буенча бурычларны түләү өчен гариза кабул итү һәм түләү документларын бирү» дәүләт хезмәте барлык гражданнарга реаль вакыт режимында республика территориясендә урнашкан КФҮ филиалларына (бүлекчәләренә) барганда бирелә.
Бурычның булуы (булмавы) турында мәгълүмат алу өчен, физик затларга мөрәҗәгать итүче вәкиле өчен шәхесне раслаучы документ яки нотариаль ышаныч кәгазе кирәк булачак.
Транспорт, җир, салымнары, милеккә салым буенча бурычлары булган салым түләүчеләргә бурыч һәм пеня суммасы белән квитанция биреләчәк.
Бирелгән квитанция буенча түләү терминалы ярдәмендә яки түләүләрне кабул итүнең якындагы пунктларында түләп була.
Гражданнар тарафыннан вакытында түләнгән салымнар дәүләтнең иминлеге һәм финанс тотрыклылыгы нигезе булып тора.