Татарстан эшмәкәрләре ФАСТ ТРЕК порталы аша электрон рәвештә бизнеска дәүләт ярдәме чараларын алырга мөмкин
2019 елның 24 октябрендә «Минем бизнес» форумы кысаларында Татарстан Республикасы Президенты Р.Н.Миңнеханов Россия өчен уникаль булган ФАСТТРЕК.РФ цифрлы платформасын тәкъдим итте.
Бу цифрлы платформа Татарстан Республикасы Икътисад министрлыгы тарафыннан «бердәм тәрәзә» форматы аша эшмәкәрләрнең финанс һәм финанс булмаган ярдәм чараларына керүен тизләтү өчен эшләнде.
Эшмәкәрләр сервистан түбәндәге адрес буенча файдалана алалар www.фасттрек.рф. Портал ярдәмендә ярдәм чараларын алу 2 тапкыр тизрәк бара, гаризаларны карау статусын шәхси кабинетта онлайн режимда күзәтергә мөмкин. Барлык документлар һәм гаризалар порталга электрон форматта кертелә.
2019 ел ахырына кадәр Портал аша Татарстан эшмәкәрләре арасында иң популяр ярдәм чараларын алырга мөмкин булачак, ә 2020 ел дәвамында 40тан артык ярдәм чарасы күрсәтеләчәк.