Шәһәренең Сәгъдиев исемендәге урта мәктәбендә коррупиягә каршы квест узды
2019 елның 5 ноябрендә Сәгъдиев исемендәге урта мәктәп базасында Халыкара коррупциягә каршы көрәш көненә багышланган коррупциягә каршы юнәлешле квест узды. Квест дебатлар формасында үтте. Беренче уеннарда 8 сыйныф спикерлары 11 сыйныф, 9а сыйныфы белән «Дәүләттә коррупция күбрәк булган саен, законнар да күбрәк» дигән темага ярыштылар. Сүз көрәшенең финалына 10 һәм 11 сыйныф спикерлары «Акча булган җирдә намус дәшми» дигән тема белән чыкты. Бәхәсләр эмоциональ иде! 11 сыйныф спикерлары җиңү яулады.
Конкурсның башка төре шул ук сыйныф рәссамнарының һәм журналистларының эше буларак тәкъдим ителде, алар плакатлар ясап, аларны якладылар. 8а сыйныфы – «Без-гадел тормыш яклы!», 9а - «Россиянең милли иминлегенә коррупция куркынычы яныймы?», 10 сыйныф - «Законнарны үтәү өстенлекләре», 11 сыйныф - «Ничек коррупция корбаны булмаска: югары сыйныф укучылары өчен һәм аларга гына да түгел» темаларын тасвирлады. 9а сыйныф рәссамнары һәм журналистларының эше иң яхшы дип табылды.
Чарага килгән хөрмәтле кунаклар - Буа муниципаль район башлыгының коррупциягә каршы көрәш мәсәләләре буенча ярдәмчесе З.А. Шәйхаттарова, мәгариф бүлеге башлыгының тәрбия эшләре буенча урынбасары Н.А. Македонская, Буа муниципаль районының «Форпост - хокук тәртибе «ФООП үзәге» МБУ җитәкчесе Р. Р. Мостафина йомгак ясадылар.
Барлык катнашучылар да грамоталар һәм бүләкләр белән бүләкләнде. Бу очрашу укучылар хәтерендә озак сакланыр, дип ышанабыз, чөнки алар коррупция кебек күренешне белүнең теоретик дәрәҗәсен тирәнәйттеләр.