Мәктәптән тыш эшләр үзәгендә республика семинары.

2019 елның 12 декабре, пәнҗешәмбе

Буа шәһәренең мәктәптән тыш эшләр үзәгендә "Балаларга өстәмә белем бирү системасында экологик - эстетик тәрбия бирү"дигән темага республика семинары булып узды. Семинарда ТР Кайбыч, Буа муниципаль районнары һәм Әлмәт шәһәре педагоглары катнашты. Әлеге семинарның максаты-балаларга турыдан-туры экологик белем бирүне оештыру, шәхеснең экологик культурасын үстерү. Семинар барышында төрле формалар, методлар һәм технологияләр кулланып балаларга экологик тәрбия бирү мәсьәләләре ачылды. Очрашу кызыклы һәм нәтиҗәле үтте. Семинар ахырында мәктәптән тыш эшләр үзәге директоры А.Г.Салаватова  семинар эшенә йомгак ясады һәм кунакларга мәктәптән тыш эшләр үзәгенә йөрүче укучылар куллары белән ясалган истәлекле бүләкләр тапшырды.