Татарстанлылар Бөтенроссия халык санын алу-2020 талисманын сайлый алачаклар
Татарстанлылар 2020 елгы Бөтенроссия халык санын алу талисманын сайлап алу буенча илкүләм конкурста катнаша ала, дип хәбәр итә «Татарстанстат» сылтамасы белән "Татар-информ" матбугат агентлыгы.
Кеше, хайван, үсемлек, җансыз предмет һ. б.- һәрбер объект символга әйләнергә мөмкин. Әйтергә кирәк, алдагы халык санын алудагы Бөтенроссия халык санын алу -2010 символы - футболкага төшерелгән шат малай эмблемасы иде.
Инде булган персонажларның элементларын күчереп алу тыела. Әмма катнашучылар Бөтенроссия халык санын алу -2020 рәсми символикасын куллана ала. Эшләр 10 февральгә кадәр (Мәскәү буенча 12: 00 сәгатькә кадәр) кабул ителәчәк. Конкурста 18 яшькә җиткән гражданнар катнаша ала. Аларга Бөтенроссия халык санын алу -2020 сайтында теркәлергә кирәк булачак (www.strana2020.ru), эшкә сылтаманы күрсәтеп, махсус форма тутырырга кирәк.
Конкурсантларга үз эшләрен Instagram битләрендә урнаштырырга ( әмма бер кешегә өч эштән арттырмыйча) һәм аларның актив сылтама #strana2020 һәм #талисман_перепись хештегы белән билгеләп үтәргә кирәк . Катнашучыларның профильләре барлык кулланучылар өчен дә ачык булырга тиеш. Эшләр .png яки.jpeg. форматларында башкарыла.
Конкурсның җиңүчесе ике этапта билгеләнәчәк. Интернет-тавыш бирү Бөтенроссия халык санын алу -2020 сайтында эшләрне кабул итү тәмамланган көнне башлана. Шорт-листка Instagramда иң күп лайк җыйган рәсемнәр эләгәчәк. Икенче этапта эшләрне жюри әгъзалары бәяләячәк.
Нәтиҗәләр 2020 елның 28 февраленнән дә соңга калмыйча социаль челтәрдәге - Бөтенроссия халык санын алу 2020 сайтында һәм рәсми битләрендә басылачак. Конкурс буенча мәгълүматны talisman@strana2020.ru адресы буенча язып ачыкларга була.
Элегрәк хәбәр ителгәнчә, Росстат 2020 елның 1 октябреннән 31 октябренә кадәр узачак Бөтенроссия халык санын алу-2020нең рәсми шигарен (слоганын) тәкъдим иткән иде.