Чәчү өчен ресурслар 2020
Татарстан Республикасы Авыл хуҗалыгы һәм азык-төлек министрлыгы авыл хуҗалыгы җитештерүчеләренә хәбәр итә, министрлык сайтында предприятие җитәкчеләре һәм агрономнар өчен 2020 елгы чәчү өчен ресурслар махсус бүлеге булдырылган. Биредә вегетация чорына температура һәм явым-төшем ихтималы фаразлары белән танышырга, уңышны иминиятләгәндә дәүләт ярдәме чараларын һәм иминият компанияләренең тәкъдимнәрен өйрәнергә, шулай ук орлыкларга булган бәяләр, орлыкчылык хуҗалыклары рейтингы һәм минераль ашламалар белән тәэмин итүчеләр буенча мәгълүмат алырга мөмкин
Исегезгә төшерәбез, Татарстан Республикасы Хөкүмәте Йортында узган республика киңәшмәсендә Татарстан Республикасы Премьер-министры урынбасары – Татарстан Республикасы Авыл хуҗалыгы һәм азык-төлек министры Марат Җәббаров, 2020 елгы чәчү кампаниясенә әзерлек турында сөйләгәндә, минераль ашламалар кертүгә һәм сыйфатлы орлык сатып алуга аерым игътибар юнәлтте.
"Чәчү чыгымнарының өчтән бер өлеше-минераль ашламалар бәясе. Аның буенча безнең планка-һәр гектарга 70 кг ашлама кертү. Хөрмәтле хуҗалык җитәкчеләре, узган елдагы кебек, сатып алуны озаграк сузган саен, ашламаларга бәяләр үсә барачак», - дип мөрәҗәгать итте Марат Җәббаров.
Шулай ук Татарстан Республикасы Авыл хуҗалыгы һәм азык-төлек министрлыгы башлыгы ашламалар белән тәэмин итү буенча мәгълүматлар җиткерде. Азотлы ашламалар белән тәэмин итүче - «Аммоний» АҖ, аммиак селитрасы тоннасы өчен 14 мең сум тирәсе тәкъдим итә. Кагыйдә буларак, бәяләр, бигрәк тә азот буенча, чәчүгә ел саен җитди үсеш тенденциясенә ия. Катлаулы ашламалар белән баш тәэмин итүчеләр -«ФосАгро» һәм «Татагрохимсервис». Ассортимент төрле һәм күләм дә җитәрлек, бәяләр сатып алына торган күләмнәргә һәм түләү шартларына бәйле.
Агымдагы елда ярдәм итүнең стимуллаштыручы формасы сакланды. Районның авыл хуҗалыгы һәм азык-төлек идарәсенә 1 гектарга 35 ашлама туплап, тиешле документлар тапшырган хуҗалыклар һәр гектарга 515 сум бюджет ярдәме алачак. Бу әлеге акчаларга тагын бер гектарга 12 килограммнан артык ашлама сатып алырга мөмкинлек бирәчәк.
Вице-премьер муниципаль районнар башлыкларын да ашламалар сатып алу мәсьәләсенә кушылырга чакырды, чөнки зур күләмдә ашламалар сатып алганда, тәэмин итүчеләр отышлы ташламалар ясый. Район буенча зур күләм җыеп, хуҗалыклар акчаларын шактый экономияләргә мөмкин.
Моннан тыш, Марат Җәббаров уңыш язмышында дөрес сайланган сортлар һәм аларның орлык сыйфаты төп роль уйный, дип басым ясады. Районнарда бу эшне җитдилек белән башкарырга кирәк.
Игенчелектәге уңышның мөһим өлеше - вегетация чорына финанс һәм матди ресурслар белән җитәрлек тәэмин ителеш.
Бюджет ярдәме өлешендә Татарстан Республикасы Авыл хуҗалыгы һәм азык-төлек министрлыгы апрель азагына кадәр хуҗалыкларга 4,0 млрд. сум җиткерергә планлаштыра.
Шул исәптән:
- бәйсез ярдәм күрсәтү-700 млн. сум.
- сөт терлекчелегендә продуктлылыкны арттыру-862 млн. сум.
- 1 кг сөткә чыгымнар өлешен кайтару-500 млн. сум.
- техник модернизацияләү-1,0 млрд. сум.
- минераль ашламалар-1,0 млрд. сум.