Хатирәләрне барлагыз

2020 елның 31 гыйнвары, җомга

Быел халкыбыз Бөек Ватан сугышында Җиңүнең 75 еллыгын билгеләп үтә. Бу уңайдан әлеге дәһшәтле еллар турында хатирәләрне барлау өчен “Байрак” район газетасы берничә яңа рубрика гамәлгә кертә.

Болар – “Ветеран хатирә яңарта”, “Сугыш чоры баласы сөйли”. Беренче рубрика астында сугыш ветераннарының, тыл хезмәтчәннәренең, сугыш толларының истә калганнары турында сөйләгәннәрен бастырачакбыз, икенче рубрика астында балачагы сугыш елларына туры килгән буалыларның хатирәләрен урнаштырачакбыз.

Кадерле буалылар! Сездә әлегә кадәр газетада басылмаган хатирәләр булса, исем-фамилиягезне, телефон номерыгызны куеп, bayrakbua@mail.ru электрон адресы буенча җибәрүегезне яки Буа шәһәре, Карл Маркс урамы, 62 йорт адресы буенча китереп бирүегезне сорыйбыз.