Район җитәкчесе Ранис Камартдинов ветераннарга юбилей медальләре тапшырды

2020 елның 27 феврале, пәнҗешәмбе

Буа муниципаль районы җитәкчесе Ранис Камартдинов Бөек Ватан сугышы ветераннары -  Украинская  Анастасия Алексеевна һәм Стратонова Мария Васильевна белән очрашты.  Җиңү көне алдыннан ул ветераннарны медаль белән бүләкләде һәм истәлекле кул сәгатьләре тапшырды.

⠀Ранис Рафис улы Җиңүгә бәяләп бетергесез өлеш керткәннәре, илебез өчен катлаулы чорларда хезмәт батырлыклары өчен  ветеран хатын-кызларга  рәхмәт белдерде.  Аларга  алдагы елларга да  ныклы сәламәтлек, иминлек, якыннарының һәм туганнарының ярдәмен  тоеп яшәүләрен теләде.