Кош гриппы куркынычы һәрвакыт саклана
Россельхознадзорның Татарстан Республикасы буенча идарәсе һәм Татарстан Республикасы Министрлар Кабинетының Баш ветеринария идарәсе «Чиләбе кошчылык фабрикасы» ҖАҖдә кош гриппы вирусын ачыклау турында хәбәр итә. Диагноз Владимирдагы Бөтенроссия терлекчелек фәнни-тикшеренү институты раслаган, анда пробалар яңадан җибәрелгән. Шул уңайдан Россельхознадзор идарәсенең дәүләт инспекторы Гөлнара Арсланова буалыларны берничә профилактик чара үтәргә чакыра.
Ә нәкъ менә контрольсез кош-корт яки продукциясен кертмәү. Теләсә нинди санкцияләнмәгән ярминкәләр һәм мондый продукция сату куркыныч тудыра. Ишегалдында кош гриппы барлыкка килергә мөмкин яки кешеләр йоктырган булырга мөмкин. Кошларның ябык типын тәэмин итәргә кирәк. Бигрәк тә авруны таратучы күчмә кошлар очкан чорда, кошларны ябып асрарга киңәш итәләр. Шулай ук бу авыру буенча иминлек булган урыннарда гына азык сатып алырга кирәк.
Бу авыруның инкубация чоры 1-7 көн тәшкил итә. Зарарланган кошларның сүлпәнлеге, төчкерүе, сызгырыклы сулышы, диарея, кикриге зәңгәрләнү, яшь агуы, муен һәм аяк параличы күзәтелә, йомырка салу кими яки туктатыла. Кош гриппы аеруча куркыныч авырулар исемлегенә керә. Вирус әйләнә-тирә мохиткә тотрыклы. Әйтик, тирестә 15-16 атна, суда – 4 тәүлек, температурада 0 градус булганда – 5 атна саклана. Түбән температураны яхшы кичерсә дә, дезинфекция препаратлары – хлор, спирт, марганцовка һ.б. вирусны юк итә.