Буа район үзәк хастаханәсенең баш табибы Рөстәм Сәмәрхановның үз-үзеңне изоляцияләү режимын үтәү буенча киңәшләре

2020 елның 31 марты, сишәмбе

Буа район үзәк хастаханәсенең баш табибы Рөстәм Сәмәрханов буалыларга үз-үзеңне изоляцияләү режимын катгый үтәргә киңәш итте:

"Бүген яңа коронавирус йогышы таралуга бәйле вәзгыять сәламәтлекне саклау мәсьәләләрен беренче планга чыгарды һәм һәрберебездән үз сәламәтлегебез, туганнарыбыз һәм якыннарыбызның саулыгы өчен аерым җаваплылык таләп ителә. Профилактика чаралары килеп туган хәлгә реакциябезнең мөһим инструментына әверелде. Шуңа күрә һәр кеше үз-үзеңне изоляцияләү буенча барлык тәкъдимнәрне дә үтәргә тиеш".