Татарстан Эчке эшләр министрлыгы коронавирус инфекциясе таралуны кисәтү чараларын гамәлгә ашыра
Татарстан Республикасы Министрлар Кабинетының «Татарстан Республикасында яңа коронавирус инфекциясе таралуны булдырмау чаралары турында» 2020 елның 19 мартындагы 208 номерлы карарына үзгәрешләр кертү хакында» Татарстан Республикасы Министрлар Кабинетының 2020 елның 30 мартындагы 234 номерлы карарын гамәлгә ашыру кысаларында, Татарстан Республикасы буенча Эчке эшләр министрлыгы гражданнарны һәм хезмәткәрләрне коронавируслы инфекция таратудан яклауга юнәлтелгән өстәмә чаралар күрелде.
Аерым алганда, Татарстан Республикасы буенча Эчке эшләр министрлыгы «Имин шәһәр» видеокүзәтү системасы, полиция һәм Дәүләт автоинспекциясе патруль-пост хезмәте экипажлары ярдәмендә, үз-үзен изоляцияләү зонасыннан читтә яшәүчеләрнең һәм автомобиль хуҗаларының урнашу предметына республика шәһәрләре һәм муниципаль берәмлекләре мониторингы уздырыла.
Хокук бозучыларга карата административ йогынты чаралары кулланылачак.
2020 елның 31 мартында Федерация Советы РФ Административ хокук бозулар турындагы кодексына (КоАП) карантин режимын бозган өчен 300 мең сумга кадәр штраф сала торган төзәтмәләрне чираттан тыш пленар утырышта хуплады.
Документ нигезендә, әгәр гражданин авыру таралу куркынычы шартларында карантин режимын бозса, аңа 15 мең сумнан 40 мең сумга кадәр штраф янаячак. Вазыйфаи затлар өчен штраф рәвешендә җәза 50 мең сумнан 150 мең сумга кадәр, юридик затлар өчен - 200 мең сумнан 500 мең сумга кадәр яки эшчәнлекне 30 тәүлеккә кадәр туктатып тору.
Әгәр күрсәтелгән хокук бозулар кеше сәламәтлегенә зыян китерсә яки кеше үлеменә китерсә, әмма җинаять билгеләре булмаса, түләтү күләме гражданнар өчен 150 мең сумнан 300 мең сумга кадәр, вазыйфаи затлар өчен - 300 мең сумнан 500 мең сумга кадәр, юридик затлар өчен - 500 мең сумнан 1 млн сумга кадәр яки эшчәнлекне 90 тәүлеккә кадәр туктатып тору яки административ туктатылу тәшкил итәчәк.