Буа табиблары дистанцион консультацияләр үткәрәчәкләр
Республикасы халкының сәламәтлеген саклауны һәм яңа коронавирус йогышының (COVID-19) таралуын тәэмин итү максатларында, «Буа үзәк район хастаханәсе»ндә 2020 елның 1 апреленнән башлап бары тик ашыгыч (кичектергесез) пациентларны гына кабул итү һәм дәвалау оештырылды. Халыкка планлы амбулатор-поликлиника медицина ярдәме күрсәтү, планлы вакцинация үткәрү вакытлыча туктатылды, пациентларны тәүлек буе эшли торган койкаларга һәм көндезге стационарның койкаларына планлы госпитализацияләү туктатылды.
Буада телефон номерлары буенча табиб-терапевтлар һәм табиб-педиатрлар тарафыннан дистанцион консультация оештырылды.
Консультацияләр өчен номерлар:
- өлкәннәр өчен-эш көннәрендә - 3-25-62, 3-27-88
- балалар консультациясе - эш көннәрендә-3-28-62
Ял көннәрендә 3-27-88 һәм 3-12-72 номерлары эшли