Татарстанда өйдән чыгу өчен яңа ысул барлыкка килде
Татарстан хакимияте, республика халкы үз-үзеңне изоляцияләү режимы вакытында өйдән чыгу өчен цифрлы пропуск рәсмиләштерә алсын өчен, сайттагы шәхси кабинетны эшләтеп җибәрде. Бу хакта ТР цифрлы үсеш, мәгълүмати технологияләр һәм элемтә министрлыгының матбугат хезмәтендә хәбәр иттеләр. «Хәзер татарстанлыларга системада теркәлү узу һәм чыгу өчен кодлар алу өчен SMS-хәбәрләр җибәрү мәҗбүри түгел. Сайтта паспорт мәгълүматларын һәм телефон номерын күрсәтеп, шәхси кабинетыңны булдыру да җитә. Башка ил гражданнары документ сыйфатында яшәүгә рөхсәт, миграция картасын яки визаны куллана алалар", - дип билгеләп үттеләр ведомствода.
Элегрәк SMS аша теркәлгән республика халкы үз шәхси кабинетларына теркәлү узу турында беренче хәбәрдә алган код аша керә ала. Теркәүне https://covid19.tatarstan.ru/ сайтында узарга мөмкин.
Цифрлы үткәргечләр системасында барлыгы 457 меңнән артык татарстанлы теркәлгән, дип хәбәр иттеләр ТР цифрлы үсеш, мәгълүмати технологияләр һәм элемтә министрлыгында. Өйдән чыгу өчен 810 меңгә якын SMS-пропуск бирелде. Нигездә, кодларның яртысын республика халкы бакча йортларына чыгу өчен сорый.