«Җиңү өчен рәхмәт» акциясе

2020 елның 10 апреле, җомга

Буа муниципаль районы Башкарма комитетының архив бүлеге «СпасибоЗаПобеду» акциясе үткәрде. Бүлек белгечләре Буа шәһәрендә Җиңү Парадының архив фотосурәтләреннән һәм яшь буалыларның фотосурәтләреннән видеоролик әзерләделәр.

Сугыш бетүгә 75 ел вакыт узуы, күп еллар элек сугышта катнашкан кешеләр, батырлыклар кылган каһарманнар турында онытырга сәбәп була алмый. Мөмкин булган барлык ысуллар белән безгә ветераннарыбыз турында балаларга сөйләргә, үз үрнәгебездә аларны ничек хөрмәт итүебезне күрсәтергә кирәк.

Аларның һәрберсе алдында баш иябез! Беркем дә, бернәрсә дә онытылмады!