Аграрийларның язгы кыр эшләренә әзерлеген район җитәкчелеге даими контрольдә тота.
Бүген Буа муниципаль районы җитәкчесе Ранис Камартдинов һәм авыл хуҗалыгы һәм азык-төлек идарәсе җитәкчесе Ранис Габитов Зур Фролово авылында урнашкан Борис Кузнецовның крестьян-фермер хуҗалыгында булдылар, шулай ук язгы кыр эшләренең әзерлеген бәяләү өчен "Кыят" хуҗалыгы башлыгы Александр Грачев белән очраштылар.
Фермер Борис Кузнецов җитәкчеләргә бүгенге көндә 450 га туңга сөрелгән, күпьеллык үләннәрне тырмалау 100 га мәйданда башкарылган, 126 га көзге бодай тукландырылган, дип сөйләде. "Кыят" хуҗалыгында көзге бодайны тукландыру 700 га, күпьеллык үләннәрне тукландыру - 600 га, уҗымнарны, күпьеллык үләннәрне тырмалау, туңга сөрү һәм пар 2100 га башкарылган, арпа 60 га мәйданда чәчелгән.
Бүген Буа муниципаль районы кырларында 7 чәчү агрегаты эшли. 10 апрельгә районда 595 га — сабан бодае, 2734 га — арпа, 66 га — солы, 220 га борчак чәчелгән.